मनाङ मस्र्याङ्दी पोखरा अन्तर्राष्ट्रिय फुटबल प्रतियोगिताको सेमिफाइनलमा

पोखरा । ए डिभिजन लिग च्याम्पियन मनाङ मस्र्याङ्दी क्लब पोखरा अन्तर्राष्ट्रिय फुटबल प्रतियोगिताको सेमिफाइनलमा पुगेको छ ।

बुधबार भएको अन्तिम क्वार्टरफाइनल खेलमा ब्रिगेड ब्वाइज क्लबमाथि संघर्षपूर्ण जित हासिल गर्दै मनाङ अन्तिम चारमा पुगेको हो ।

मनाङले खेल टाइब्रेकरमा ५-४ ले जितेको हो । निर्धारित ९० मिनेटको खेलमा १-१ को बराबरी भएपछि थपिएको समयमा गोल नभएपछि खेल पेनाल्टी सुटआउटमा निर्णायक बनेको हो ।

जितसंगै मनाङले शुक्रबार हुने सेमिफाइनलमा क्यामरुनी क्लब दाउफिन्ससँग खेल्नेछ ।

पहिलो सेमिफाइनलमा बिहीबार सशस्त्र प्रहरीको एपिएफ र जापानको रिस्सो विश्वविद्यालय खेल्दैछन् । प्रतियोगिताको विजेताले ७ लाख ५५ हजार पाउनेछ ।

Space for Ads 300px * 160px
© 2019 jaljalakhabar.com All right reserved Site By : SobizTrend Technology