फिफा वरीयतामा नेपाल यथावत

काठमाडौं । फिफा वरीयतामा नेपाल १ सय ६१ औँ स्थानमा यथावत छ । विश्व फुटबलको सर्वोच्व निकाय फिफाले बिहीबार सार्वजनीक गरेको वरीयतामा नेपाल यथावत रहेको हो ।

नेपालभन्दा माथि रहेको दक्षिण एसियाली देशमा माल्दिभ्स १ सय ५२ औ स्थानमा छ । भारत ६ स्थान घटेर १ सय ३ औ स्थानमा छ । भर्खरै एसिया कप फुटबलमा समुह चरणबाटै बाहिरिएको भारत वरियतामा समेत तल झरेको हो ।

नेपाल भन्दा तल रहेको भुटान १ सय ८६ औ, बंगलादेश १ सय ९२, पाकिस्तान १ सय ९९ र श्रीलंका २ सय स्थानमा यथावत छ ।

विश्व वरीयतामा बेल्जियम शीर्ष स्थानमा छ । फ्रान्स दोस्रो, ब्राजिल तेस्रो, क्रोएसिया चौथो, ईङ्ल्याण्ड पाँचौ स्थानमा यथावत छ । छैटौ स्थानमा पोर्चुगल, सातौ स्थानमा उरुग्वे, आठौ स्थानमा स्विटजरल्याण्ड, नवौ स्थानमा स्पेन र दशौँ स्थानमा डेनमार्क रहेको छ ।

एसिया कपको उपविजेता जापान २३ स्थान फड्को मार्दै २७ औ स्थानमा उक्लिएको छ ।

© 2019 jaljalakhabar.com All right reserved Site By : SobizTrend Technology