जापानमा ईफ्लुएन्जाका कारण २० वर्षिय नेपाली युवा क्षेत्रीको निधन

जापान। ईफ्लुएन्जाको कारण जापानमा एक नेपाली युवाले ज्यान गुमाएका छन् । जापानको साईतामा बस्दै आएका गल्कोट नगरपालिका ३ बोहराफाँटका २० वर्षिय सबिन क्षेत्रीको अल्पआयुमै निधन भएको हो ।

ईफ्लुएन्जाबाट ग्रसित सविनको साईतामा स्थित साईतामा रेड्क्रस अस्पतालमा तीनदिन देखि सघन कक्षामा उपचार भैरहेको थियो । तर उपचारकै क्रममा उनलाई बुधबार राती ११स्१५ बजे अस्पताल श्रोतले मृत घोषणा गरेको थियो ।

मृतक सविन बुवा आमासहित परिवारको साथमा बस्दै आएका थिए। उनको आउँदो आइतबार विहान साढे ८ बजे जापानकै साईतामा सिमा दाहसंस्कार गरिने परिवार श्रोतले जानकारी दिएको छ ।

सामाजिक कार्यमा सक्रिय रहेको गल्कोट समाज जापानले उनको निधनप्रती दुख व्यक्त गरेको छ । साथै समाजले दाहसंस्कारमा सम्पुर्ण जापानवासी नेपालीलाई सहभागी भईदिन अनुरोध गरेको छ।

Space for Ads 300px * 160px
© 2019 jaljalakhabar.com All right reserved Site By : SobizTrend Technology