मनाङको माइनस १३ डिग्री चिसोमा भिमफेदी गाइजको नयाँ गीत, निर्मला लामा बने भिलेन

काठमाडौँ । नेपालको चर्चित डान्स ग्रुप भिमफेदी गाइजको नयाँ म्युजिक भिडियो सार्वजनिक भएको छ । सधैँ झै यो गीतको म्युजिक भिडियो पनि भिमफेदी गाइजको आफ्नै अफिसियल युट्युब च्यानल मार्फत सार्वजनिक भएको हो ।

गायक ईश्वर मागियाको आवाजमा रहेको ‘नहेर म तिर’ बोलको गीतको म्युजिक भिडियो यही माघ २४ गते बिहिवारको दिन सार्वजनिक गरिएको हो । मनाङको रमणीय स्थलहरूमा र माइनस १३ डिग्री चिसो तापक्रममा खिचिएको गीत तामाङ सेलो शैलीमा रहेको छ।

भिमफेदी गाइज र निर्जली लामा फिर्चड भिडियोमा पहिलो जुनीमा गरेको पापको फल पाइन्छ भन्ने दृष्यलाई देखाइएको छ भने चोखो मायाको फल पनि देखाउन खोजिएको छ । । यस गीतको म्युजिक भिडियो मनाङको माइनस १३ डिग्रिको चिसो हावामा लिएको छ ।

गायक इश्वर मागियाकै शब्द तथा संगीत रहेको यस गीतको म्युजिक भिडियोलाई पवन सुस्लिङले खिचेका छन् । पवन सुस्लिङ नै भिडियोको सम्पादन समेत गरेका हुन् ।

 

© 2019 jaljalakhabar.com All right reserved Site By : SobizTrend Technology