सोमवार, भदौ ९, २०७६ | Monday 26th August 2019

विश्व क्रिकेटका ६ घटना जब खेलाडीले हारजीतभन्दा खेल भावना माथि राखेर सोचे

  • प्रकाशित मिति : शनिबार, माघ २६, २०७५



  • काठमाडौं। क्रिकेट अहिले नेपालमा निकै लोकप्रिय छ । नेपाली राष्ट्रिय टिमले वनडे अन्तर्राष्ट्रिय मान्यता पाएको छ । यसअघि नेपालले टि–२० विश्वकपमा पनि सहभागिता जनाइसकेको छ । अण्डर १९ विश्वकपमा त नेपालले धेरै पटक सहभागिता जनाइसक्यो । यतिमात्र होइन नेपाली अण्डर १९ टिमले त भारत, न्यूजिल्याण्ड, दक्षिण अफ्रिका जस्ता बलिया राष्ट्रलाई समेत पराजित गरिसकेको छ । यस्तोमा नेपालमा क्रिकेट लोकप्रिय हुनु स्वभाविक नै हो । क्रिकेट इतिहासमा यस्ता केही घटनाहरु छन् जहाँ खेलाडीहरुले खेल भावनालाई हारजीतभन्दा माथि राखेर फैसला गरेका छन् । ती घटना क्रिकेट इतिहासमा सुनौला घटनाको रुपमा अंकित हुनेछन् ।

    १. गुंडप्पा विश्वनाथले बब टेलरलाई फिर्ता बोलाउनुः १९८० मा मुम्बइ टेस्टमा इङल्याण्डका ब्याट्सम्यान बब टेलरलाई अम्पायरले विकेटपछाडि क्याच आउट दिए तर बल ब्याटमा लागेको थिएन । भारतका कप्तान गुंडप्पा विश्वनाथले टिमका साथीहरुसँग सल्लाह गरेर अम्पायर हनुमन्ता रावसँग अपिल फिर्ता लिए र टेलर नटहाउट घोषित भए । यो खेल भारतले हार्यो तर यो खेल हारजीत भन्दा पनि खेल भावनाको लागि चर्चित भयो ।

    २. धोनीले रनआउट अपिल नगर्नुः २०११ मा भारतको इङल्याण्ड टुरमा इङल्याण्डका ब्याट्सम्यान इयान बेलले बल डेड भएको सम्झेर क्रिजबाट बाहिर गए । अम्पायरले ओभर समाप्तिको घोषणा गरेका थिएनन् । धोनीले तत्काल गिल्ली उडाए । नियमतः बेल आउट थिए तर धोनीले बेलले अन्जानमा यो गल्ती गरेको बुझे । बेलले कुनै रन लिने प्रयास गरेका थिएनन् अतः धोनीले रनआउट अपिल नै गरेनन् र बेल नटआउट रहे ।

    ३. इमरान खानले श्रीकांतलाई फिर्ता बोलाउनुः १९८९ मा लाहोर वन डेमा भारत र पाकिस्तानबीच खेल भइरहेको थियो । वकार युनुसको बलमा अम्पायरले कृष्णामाचारी श्रीकांतलाई एलबीडब्लु आउट दिए । श्रीकांत दुःखी मनले पभेलियन फर्कँदै थिए । पाकिस्तानी कप्तान इमरान खानलाई विश्वास थियो उनी आउट थिएनन् । इमरानले अम्पायरसँग अपिल फिर्ता लिएर श्रीकांतलाई फिर्ता बोलाए ।

    ४. सहवागले थिरिमानेविरुद्धको अपिल फिर्ता लिनुः अस्ट्रेलियामा २०१२ मा भारत र श्रीलंकाबीच वन डेमा नन स्ट्राइकर इण्डमा बल फाल्नुभन्दा पहिले अगाडि बढेका श्रीलंकाका लाहिरु थिरीमानेलाई बलर रविचन्द्रन अश्विनले ‘मांकडिंग रन आउट’ गरिदिए । नियमअनुसार थिरिमाने आउट थिए तर कार्यवाहक कप्तान विरेन्द्र सहवागले सिनियर खेलाडी सचिन तेन्दुलकरसँग परामर्श गरेर अपिल फिर्ता लिए ।

    ५. पोन्टिङले सचिनलाई फिर्ता बोलाउनुः २००६ मा त्रिकोणीय सिरिजको फाइनलमा अम्पायरले सचिन तेन्दुलकरलाई विकेटपछाडि क्याच आउट दिए तर बल उनको ब्याटमा नभइ काँधमा लागेर गएको थियो । अस्ट्रेलियाका कप्तान रिकी पोन्टिङले अम्पायरसँग परामर्श गरेर सचिनलाई फिर्ता बोलाउन आग्रह गरे र सचिन नटआउट घोषित भए ।

    ६. भिटोरीले अपिल फिर्ता लिनुः २०१२ मा जिम्बाब्बेविरुद्ध न्यूजिल्याण्डको वनडेमा न्यूजिल्याण्डका स्पिनर ड्यानियल भिटोरी न स्ट्राइकर इण्डमा रन लिइरहेका ब्याट्सम्यान मेल्कम वालरसँग ठोक्किए । वालर ढलेपछि अर्को इण्डबाट दौडिँदै आएका रेगिस चकाबवा बीचबाटै फर्कनुपर्यो । उनी फर्कदासम्म विकेटकिपरले रनआउट गरिसकेका थिए । तर, भिटोरीले तत्काल अपिल फिर्ता लिए किनकि उनका कारण दौडिन अलमल भएको थियो ।

    प्रतिकृया दिनुहोस


    सम्बन्धित समाचार


    भर्खरै


    ला लिगामा बार्सिलोनाको पहिलो जित, ५-२ ले विजयी
    भरतपुरमा पाँच जनाभन्दा बढी जम्मा हुन नपाइने
    जेट एयरको एयरहोस्टेस भन्दै फेसबुकमार्फत ठगी गर्ने महिला पक्राउ
    हङकङमा प्रदर्शनकारीमाथि गोली प्रहार
    भरतपुरको प्रदर्शन रोक्न अनिश्चितकालीन निशेधाज्ञ जारी
    भरतपुरको प्रदर्शन रोक्न अनिश्चितकालीन निशेधाज्ञ जारी
    उडिरहेको विमानमै चोरी गर्ने चिनियाँ नागरिक त्रिभुवन अन्तर्राष्ट्रिय विमानस्थलबाट पक्राउ
    ‘श्रीमानले झगडा गर्दैनन्, मायामात्रै गर्छन्, त्यसैले सम्बन्धविच्छेद गरिदिनुपर्यो’
    ९ घटनाः जब बलिउड सुपरस्टारले सताएपछि छिमेकीले पुलिस बोलाए
    रातो बिकिनीमा नेहा धुपियाको जलवा, पतिसँग समुद्रमा मस्ती

    © copyright 2016-2019 and all right reserved to jaljalakhabar | Site By : SobizTrend Technology