मध्यपहाडी लोकमार्गको पर्वत खण्ड दैनिक साढे ६ घण्टा बन्द

पर्वत । निर्माणाधीन मध्यपहाडी लोकमार्गको पर्वत खण्ड दैनिक साढे ६ घण्टा बन्द हुने भएको छ ।

लोकमार्गको पर्वत खण्डमा आजदेखि लागू हुने गरी दैनिक साढे ६ घण्टा बन्द गर्न लागिएको हो ।

सडक विस्तारका लागि पर्वत र कास्कीको सिमाना नयाँपुलदेखि कुश्मा नगरपालिका वडा नं. १ अर्मादीसम्मको खण्ड बन्द गर्ने निर्णय भएको हो ।

जिल्ला प्रशासन कार्यालय पर्वतको संयोजनमा बसेको बैठकले बिहान १० बजेदेखि दिउँसो साढे दुई बजेसम्म र अपराह्न साढे ४ बजेदेखि साढे ७ बजेसम्म सडक बन्द गर्ने निर्णय भएको प्रमुख जिल्ला अधिकारी गुरुदत्त ढकालले जानकारी दिए ।

लोकमार्गको पर्वत खण्डमा पर्ने डिमुवादेखि बेतनीबीचको माहुरी भिर, कुश्मा नगरपालिका वडा नं. ८ स्थित चुवाको भिर र कुश्मा नगरपालिका वडा नं. २ स्थित अर्मादीको भिरमा सडक फराकिलो बनाउने काम गर्न सडक बन्द गर्न लागिएको बताइएको छ ।

Space for Ads 300px * 160px
© 2019 jaljalakhabar.com All right reserved Site By : SobizTrend Technology