चुरोट तान्ने क्रममा अनुहारमै चुरोट पड्किँदा २४ वर्षका युवकको मृत्यु

टेक्सास। अमेरिकाको टेक्सासमा २४ वर्षका एक युवकको आश्चर्यजनक तरिकाले मृत्यु भएको छ । विलियम एरिक ब्राउन नामका २४ वर्षका ती युवकले इलेक्ट्रोनिक चुरोट पिउँदै थिए । चुरोट तान्ने क्रममा उक्त डिभाइस अनुहारमै पड्किएपछि उनको मृत्यु भएको टाइम म्यागजिनले लेखेको समाचारमा जनाइएको छ । डिभाइस पड्किएपछि स्ट्रोकको शिकार भएका उनलाई उपचारका लागि अस्पताल भर्ना गरिएकोमा अस्पतालमा उनको मृत्यु भएको हो ।

मस्तिस्कमा अक्सिजनको आपुर्ति हुन नसकेपछि उनको मृत्यु भएको बताइएको छ । दुर्घटना जनवरी २७ मा भएको र त्यसको २ दिनपछि ब्राउनको मृत्यु भएको समाचारमा जनाइएको छ । ब्राउनकी हजुरआमा एलिसले बताएअनुसार पड्किएको इलेक्ट्रोनिक चुरोटको एक टुक्रा उनको घाँटीमा भित्रपट्टिबाट धसिएको थियो । अनुसन्धानमा इलेक्ट्रोनिक चुरोटको ब्याट्रीमा समस्या भएको पाइएको छ । उपकरणको खराबीका कारण इलेक्ट्रोनिक चुरोट पड्किएर कसैको मृत्यु भएको सम्भवतः यो नै पहिलो घटना हुन सक्ने समाचारमा उल्लेख छ ।

Space for Ads 300px * 160px
© 2019 jaljalakhabar.com All right reserved Site By : SobizTrend Technology