सोमवार, भदौ ९, २०७६ | Monday 26th August 2019

चिटिक्क गिरानचौर [फोटोफिचर ]

  • प्रकाशित मिति : बुधबार, फाल्गुन १, २०७५



  • सिन्धुपाल्चोक — निलो जस्ता,सेतो रंगले घरको लस्कर । चिटिक्क आँगनसँगै फुलबारीछेउको बौद्ध परम्पराको ध्वजा झन्डा फरफराइरहेको छ । वरिपरि डाँडाकाडाबीचको मेलम्ची नगरपालिका वडा १२ गिरानचौरस्थित धुर्मुस सुन्तली एकीकृत बस्तीको नजारा कुनै समृद्ध नगरीभन्दा कम छैन ।

    ०४३ साल चैत ६ गते रक्सी पार्न कोदो पकाएको आगो घरमा सल्किएपछि पुरै गाउँ जलेको सम्झँदा सिंंगेमान तामाङ अझै झस्कन्छन् । ‘डरलाग्दो गरी मडारिएर आएको हावासँगै बढेको आगोले बस्ती खरानी तुल्यायो, फेरि यस्तो सामूहिक घर पाइएला भनेर चिताइएको थिएन्,’ ७५ वर्षे उनले भने । जस्तोसुकै आपत् परेपनि सँगै बस्दा मिलेर समस्यासँग जुध्ने एकताको सद्भाव पलाएको उनले सुनाए ।

    गिरानचौरमा पुग्ने जोकोहीलाई बौद्ध परम्पराको ध्वजा अगाडी तामाङ संस्कृति अनुसार स्वागत गर्ने गरिएको छ । दुई वर्षअघि धुर्मुस सुन्तली फाउण्डेशनको अगुवाइमा गिरानचौरमा ६५ परिवारले सुविधा सम्पन्न घर र एउटा सामुदायिक भवन सहित ६६ वटा भवन राष्ट्रपति विद्यादेवी भण्डारीको उपस्थितिमा पाए । पुरा तामाङ समुदायलाई एकीकृत बस्तीका सबै आवास बाल मैत्री,वातावरण मैत्री, भुकम्पप्रतिरोधक ,पहिरो निरोधक, अपांगमैत्री छन् । हरेक घरमा चार वटा कोठा छन् , भने सिलिङमा सामान भण्डारण गर्ने गरिएको छ ।

    सबै घरभित्र शौचालय, बाथरुम र घर अगाडी बगैँचा फैलाउँदै लगिएको एकीकृत बस्तीका व्यवस्थापन समितिका सचिव लालबहादुर वाइबा सुनाउँछन् । ‘बस्तीभित्र बाख्रा ,कुखुरा,पशुपालन गर्न निषेध छ । ‘त्यसैले अधिकांशले वरिपरिको जग्गामा गोठ बनाएका छन् , जग्गा नहुनेलाई केही समस्या भएको छ,’ धुर्मुस सुन्तली फाउण्डेशन व्यवस्थापन समितिका सचिव लालबहादुर वाइबाले भने ।

    पुरै बस्तीलाई ‘ए’ ‘बी’ ,‘सी’ गरी तीन ब्लकमा विभाजित गरेर बसोबास गरिरहेको उनको भनाइ छ । खानेपानी र घरपिच्छे धाराको व्यवस्थापन भएपछि सहज बनेको छ । फाउण्डेशनले जनस्तरबाट ६ करोड १७ लाख एकहजार एकसय ३९ रुपैयाँ सङ्कलन गरेको थियो ।

    सबै घर निर्माण गर्न ५ करोड १३ लाख ८५ हजार एकसय ८७ रुपैयाँ खर्च भएको परियोजनाले जनाएको छ । सामुदायिक भवन,पाहुना घर ,फुलबारीसहित फिल्म सुटिङ गर्न मिल्ने गरी बगैँचामा अनेक फुल लगाइएको छ । तीन वटा सार्वजनिक शौचालय र पार्किङ स्थलदेखि बालबालिकाको मनोरञ्जनको लागि चिल्र्डेन पार्कले सजिएको देखिन्छ ।

    प्रतिकृया दिनुहोस


    सम्बन्धित समाचार


    भर्खरै


    ला लिगामा बार्सिलोनाको पहिलो जित, ५-२ ले विजयी
    भरतपुरमा पाँच जनाभन्दा बढी जम्मा हुन नपाइने
    जेट एयरको एयरहोस्टेस भन्दै फेसबुकमार्फत ठगी गर्ने महिला पक्राउ
    हङकङमा प्रदर्शनकारीमाथि गोली प्रहार
    भरतपुरको प्रदर्शन रोक्न अनिश्चितकालीन निशेधाज्ञ जारी
    भरतपुरको प्रदर्शन रोक्न अनिश्चितकालीन निशेधाज्ञ जारी
    उडिरहेको विमानमै चोरी गर्ने चिनियाँ नागरिक त्रिभुवन अन्तर्राष्ट्रिय विमानस्थलबाट पक्राउ
    ‘श्रीमानले झगडा गर्दैनन्, मायामात्रै गर्छन्, त्यसैले सम्बन्धविच्छेद गरिदिनुपर्यो’
    ९ घटनाः जब बलिउड सुपरस्टारले सताएपछि छिमेकीले पुलिस बोलाए
    रातो बिकिनीमा नेहा धुपियाको जलवा, पतिसँग समुद्रमा मस्ती

    © copyright 2016-2019 and all right reserved to jaljalakhabar | Site By : SobizTrend Technology