प्रहरीको बन्दुक पड्किदा पत्रकार घाइते

काठमाडौँ । प्रहरीको बन्दुक पड्किदा एक महिला पत्रकार घाइते भएकी छन्।

बुधबार गृहमन्त्री रामबहादुर थापा झापा जाने क्रममा सडक गस्तीमा रहेका प्रहरी जवान लक्ष्मण शेर्पाले बोकेको सर्टगन अचानक पड्किदा पत्रकार सुनिरा मैनाली घाइते भएकी हुन्।

रेडियो बिराट झापामा कार्यरत पत्रकार मैनाली लक्ष्मीपुर चोकको एक पसलमा बसेको बेलामा लगभग ३ सय मिटर टाढाबाट मैनालीकाे खुट्टामा गोलीको छर्रा लागेको थियो।

छर्रा लागेपछि लडेकी मैनालीलाई बिएण्डसी हस्पिटलमा उपचारका लागि लगेकाे थियाे। खुट्टाबाट गोलीको छर्रा निकालेर हिजो नै डिस्चार्ज गरेको पीडित मैनालीले बताइन्।

© 2019 jaljalakhabar.com All right reserved Site By : SobizTrend Technology