मृत्युदन्ड दिने व्यक्तिको खोजी, गरियो विज्ञापन

काठमाडौं, फागुन २ । श्रीलंकामा सरकारले मृत्युदन्ड दिन दुईओटा पदका लागि विज्ञापन गरेको छ ।

उम्मेदवारको योग्यतामा उच्च नैतिकता खोजिएको छ ।

‘डेली न्यूज’मा छापिएको विज्ञापनमा ‘वधिक’ पदमा नियुक्त हुने व्यक्तिले मासिक ३६,३१० स्थानीय रुपैयाँ पारिश्रमिक पाउनेछन् ।

श्रीलंकामा वैधानिकरूपमै मृत्युदन्ड दिने व्यवस्था छ । तर, सन् १९७६ देखि कसैलाई पनि मृत्युदन्ड दिइएको छैन ।

मृत्युदन्ड दिने जिम्मा पाएका वधिकले पाँच वर्षअघि राजीनामा दिएपछि श्रीलंकामा उनको उत्तराधिकारी नियुक्त गर्न सकिएको छैन ।

विज्ञापन गरिएको पदका लागि अन्य योग्यतामा मानसिकरूपमा बलियो १८ देखि ४५ वर्षसम्मका पुरुष हुनुपर्ने उल्लेख छ ।

पहिलोपटक मृत्युदन्ड दिन जाँदा फाँसी दिने ठाउँ देखेपछि बिरामी परेका वधिकले सन् २०१४ मा राजीनामा दिएका थिए ।

त्यसपछि अर्का एकजनालाई सो पदमा नियुक्त गरियो । तर, उनी काम गर्न नै आएनन् ।

श्रीलंकामा लागुपदार्थ तस्करीमा संलग्न झन्डै १३ सयजनालाई मृत्युदन्डको सजाय सुनाइएको छ । तर, त्यसको कार्यान्वयन हुन बाँकी छ । (एजेन्सी)

Space for Ads 300px * 160px
© 2019 jaljalakhabar.com All right reserved Site By : SobizTrend Technology