सोमवार, भदौ ९, २०७६ | Monday 26th August 2019

कालीमाटीमा विद्यार्थी र प्रहरीबीच झडप

  • प्रकाशित मिति : बिहिबार, फाल्गुन २, २०७५



  • काठमाडौं, फागुन २ । नेपाल कम्युनिस्ट पार्टी (नेकपा) निकट विद्यार्थी संगठन र प्रहरीबीच झपड भएको छ ।

    अनेरास्ववियु तथा अनेरास्ववियु (क्रान्तिकारी)का विद्यार्थी नेता कालीमाटीस्थित नेपाल पर्यटन तथा होटल व्यवस्थापन प्रतिष्ठानमा संगठन विस्तार गर्नेक्रममा प्रहरीसँग बिहीार बिहान झडप भएको अनेरास्ववियुका महासचिव ऐन महरले जानकारी गराए ।

    झडपमा क्रान्तिकारीका सचिव डिबी साउद, अनेरास्ववियुका सचिवालय सदस्य नारायण घर्तीलगायत पाँच घाइते भएको उनले बताए ।

    अन्य घाइते हुनेमा केन्द्रीय निर्वाचन आयोगका सदस्य सञ्जय दुवाडी, सम्पर्क विभाग सचिव सागर भट्ट, काठमाडौं भूगोल जिल्ला कमिटी उपाध्यक्ष राजकुमार ढकाल रहेका छन् ।

    अनेरास्ववियुका सचिवालय सदस्य घर्तीले आफू सरकारद्वारा सन्चालित क्याम्पसमा संगठन विस्तार गर्न जाँदा प्रतिष्ठान प्रशासनले प्रहरी बोलाएर कुटपिट गरेको बताए ।

    घाइतेमध्ये क्रान्तिकारीका सचिव साउदको बल्खुस्थित बयोधा अस्पतालमा उपचार भइरहेको छ ।

    साउदलाई टाउकोमा पाँच टाँका लगाइएको सचिवालय सदस्य घर्तीले जानकारी दिए ।

    प्रतिष्ठानका कार्यकारी निर्देशक दुर्गादत्त ढकालले प्रतिष्ठानमा अहिलेसम्म कुनै विद्यार्थी संगठनको संगठन नभएकाले जबर्जस्ती संगठन खोल्नेक्रममा प्रहरीसँग विद्यार्थी नेताको झडप भएको बताए ।

    ‘हाम्रो प्रतिष्ठानमा कुनै विद्यार्थी संगठनको संगठन छैन । बाहिरबाट आएर अनेरास्ववियु र अनेरास्ववियु (क्रान्तिकारी)ले बलजफ्ती संगठन खोल्न थालेका थिए’–उनले भने–‘प्रतिष्ठानमा अध्ययन गरिरहेका विद्यार्थीले संगठन चाहिँदैन भन्दै थिए । बाहिर र भित्रका विद्यार्थीबीच संगठन खोल्ने र नखोल्ने भन्ने विषयमा विवाद हुँदा प्रहरीसँग झडप भएको हो ।’

    उनले झपडमा दुवैतर्फका विद्यार्थी घाइते भएको जानकारी गराए ।

    संस्कृति, पर्यटन तथा नागरिक उड्डयन मन्त्रालयले उक्त प्रतिष्ठान सन्चालन गर्दै आएको छ । प्रतिष्ठानमा होटल व्यवस्थापन र सत्कार विषय अध्ययन हुँदै आएको छ ।

    यसैगरी, अनेरास्ववियुका महासचिव महरले विज्ञप्ति जारी गर्दै विद्यार्थी नेतामाथि आक्रमण गर्नेमाथि कारबाहीको माग गरेका छन् । रासस

    प्रतिकृया दिनुहोस


    सम्बन्धित समाचार


    भर्खरै


    ला लिगामा बार्सिलोनाको पहिलो जित, ५-२ ले विजयी
    भरतपुरमा पाँच जनाभन्दा बढी जम्मा हुन नपाइने
    जेट एयरको एयरहोस्टेस भन्दै फेसबुकमार्फत ठगी गर्ने महिला पक्राउ
    हङकङमा प्रदर्शनकारीमाथि गोली प्रहार
    भरतपुरको प्रदर्शन रोक्न अनिश्चितकालीन निशेधाज्ञ जारी
    भरतपुरको प्रदर्शन रोक्न अनिश्चितकालीन निशेधाज्ञ जारी
    उडिरहेको विमानमै चोरी गर्ने चिनियाँ नागरिक त्रिभुवन अन्तर्राष्ट्रिय विमानस्थलबाट पक्राउ
    ‘श्रीमानले झगडा गर्दैनन्, मायामात्रै गर्छन्, त्यसैले सम्बन्धविच्छेद गरिदिनुपर्यो’
    ९ घटनाः जब बलिउड सुपरस्टारले सताएपछि छिमेकीले पुलिस बोलाए
    रातो बिकिनीमा नेहा धुपियाको जलवा, पतिसँग समुद्रमा मस्ती

    © copyright 2016-2019 and all right reserved to jaljalakhabar | Site By : SobizTrend Technology