रेशम चौधरीलाई जन्मकैद सजाय दिने फैसलाको विरोध, दिइयो चेतावनी

काठमाडौं, फागुन २३ । थारु कल्याणकारिणी सभा, थरुहट/थारुवान संयुक्त संघर्ष समिति, केन्द्रीय संयोजन एवं परिचालन समितिले कैलाली–१ बाट निर्वाचित रेशम चौधरीलाई आजीवन काराबास सजाय दिने अदालतको फैसलाको विरोध गरेका छन् ।

बिहीबार राजधानीमा पत्रकार सम्मेलन गरी उनीहरुले शुक्रबार माइतीघर मन्डलामा प्रदर्शन गर्ने जनाएका हुन् ।

टीकापुर घटनाबारे सत्यतथ्य छानबिन गर्न पूर्वन्यायाधीश गिरिशचन्द्र लालदास नेतृत्वको समिति, सर्वदलीय संसदीय समिति र राष्ट्रिय मानवअधिकार आयोगको प्रतिवेदनहरु सार्वजनिक नगरिएकोमा पनि उनीहरुले आपत्ति जनाएका छन् ।

उनीहरुले थारु समुदायलाई आक्रोशित हुने वातावरण नबनाउनपनि चेतावनी दिएका छन् ।

कैलालीको टीकापुर घटनालाई राजनीतिकरुपमा समाधान गर्नुपर्नेमा पनि उनीहरुको जोड रहेको छ ।

© 2019 jaljalakhabar.com All right reserved Site By : SobizTrend Technology