Space for Ads 1200px * 150px

‘छोरीहरुलाई कसरी जोगाउने भन्ने चिन्ता बढ्यो’

news

काठमाडौं, भदौ २२ । मुलुकमा महिला हिंसाका घटना बढदै गइरहेकोप्रति विभिन्न संघ–संस्थाका प्रतिनिधिहरुले चिन्ता व्यक्त गरेका छन् ।

शुक्रबार काठमाडौंमा आयोजित एक कार्यक्रमका सहभागीहरुले महिलाहरु परिवारका सदस्यहरुबाटै असुरक्षित रहेको गुनासो गरे ।

महिला हिंसा, बलात्कारजस्ता घटना दिन–प्रतिदिन बढिरहेको भन्दै कार्यक्रमका सहभागी महिलाहरु कालो पहिरनामा उपस्थित थिए ।

कार्यक्रम वरिष्ठ चिकित्सक डा. भगवान कोइरालाले समाजमा महिला हिंसाका घटनाहरु बढ्दै जानु दुःखद् भएको बताए ।

त्यस्तै, पत्रकार बबिता बस्नेतले महिलाहरु आफ्नो घर–परिवारबाट नै सुरक्षित नभएकाले छोरीहरुलाई कसरी जोगाउने भन्ने चिन्ता बढेको बताइन् ।

महिला हिंसा घटाउन महिलाहरु नै जागरुक हुनुपर्नेमा कार्यक्रममा सहभागीहरुको जोड थियो ।

Space for Ads 300px * 160px
© 2019 jaljalakhabar.com All right reserved Site By : SobizTrend Technology