जब ऐश्वर्याको ढोकामा सलमानले पूरा रात रुँदै बिताए…

एजेन्सी । सलमान खान र ऐश्वर्या रायको प्रेम कहनी सन् १९९७ मा सुरु भएको थियो जब ऐश्वर्याले बलिउडमा भर्खरै पाइला टेकेकी थिइन् । त्यही नै बेला सलमान सोमी अलीसँग गहिरो प्रेममा थिए र उनीसँग बिहे गर्ने सोचमा थिए तर ऐश्वर्याको आगमनले सलमानको मन बदलिदियो । अन्त्यमा यी दुईको प्रेमले निकै चर्चा पायो तर सलमानको आफ्नै व्यवहारले सुन्दर एउटा सम्बन्धको भने अन्त्य भयो । त्यसपछि ऐश्वर्याको जीवनमा अभिषेकको आगमन भयो र उनीहरुको बिहे भयो ।

उनीहरुको प्रेम कहानी निकै सुन्दर र प्यारो थियो । ऐश्वर्या सलमानको निकै नजिक हुँदै गएकी थिइन् सलमानको परिवारमा पनि उनको आउन जान शुरु भयो भने सलमानका साथीहरुले ऐश्वर्यालाई भाउजू भनेर बोलाउन थालिसकेका थिए । तर, हरेक सम्बन्धमा कोही न कोही वा केही न केही बाधा भएरै छोड्छ । ऐश्वर्याको परिवारलाई पनि सलमानसँगको सम्बन्ध त्यत्ति स्वीकार्य थिएन । परिवारले सलमानलाई अस्वीकार गरेपछि ऐश्वर्याले सलमानको लागि घर छोडेर मुम्बईमा एक्लै समेत बसेकी थिइन् ।

सूत्रको अनुसार एक दिन आधा रातमा सलमान खान ऐश्वर्याको घरमा पुगेका थिए । र ढोकामा ठूलो ठूलो आवाजले धक्का दिए तर ढोका नखुलेपछि सलमानले छतबाट हामफाल्ने धम्की समेत दिएका थिए । उनी करिब विहानको ३ बजेसम्म ढोका ढक्ढक्याइरहेका थिए । मानिसहरु भन्छन् ढोकामा हान्दा हान्दा उनको हातमा रगत समेत आएको थियो । त्यतिबेला सलमान ऐश्वर्यासँग तुरुन्तै बिहे गर्न चाहन्थे तर उनी भने सफलताको सिँढी चढ्दै थिइन् ।

© 2019 jaljalakhabar.com All right reserved Site By : SobizTrend Technology