Space for Ads 1200px * 150px

सिके राउतको राजनीतिक यात्रा : देशद्रोह देखि ११ बुंदे सहमतिसम्म, अब ?

काठमाडौं। सरकारसँग शुक्रबार ११ बुँदे सहमति गरि राजनीतिको मुलधारमा फर्किएका भनिएका सिके राउतको विगत हेरौं।

०६८ चैत १८ पहिलो पटक खुल्ला मञ्चमा भाषण
त्यसपछी  राज्यप्रति असन्तुष्ट राख्दै अलग मधेको नारामा गतिविधी
०७१ भदौ ५ राज्यसँग छुट्टिन पाउने अधिकार संविधानमै सुनिश्चित गर्नुपर्ने माग
०७१  भदौ २१ देशद्रोहको अभियोगमा मोरङको रंगेलीबाट पक्राउ
२०७१ असोज २१  राज्य विरुद्धको अपराध तथा सजाय ऐन अन्तर्गत मुद्दा दायर
२०७१ असोज २८  अदालतद्धारा ५० हजार धरौटी माग
२०७२ बैसाख ११ अदालतद्धारा  सफाइ
२०७३ माघ २०  सिराह जिल्ला अदालतमा पनि मुद्दा
२०७३ माघ २१  सिराह जिल्ला अदालतद्धारा थुनामा राख्न आदेश
२०७३ फागुन ५ रुपन्देही जिल्ला अदालतमा मुद्दा दायर
२०७३ चैत ३१ गते धरौटीमा रिहा
२०७४ बैसाख ३ गते फेरि पक्राउ
त्यसपछी  पटक पटक पक्राउ पर्ने र छुट्ने श्रृखला
२०७५ असोज २१  रौतहटबाट पक्राउ
२०७५ फागुन १५  विषेशअदालतको निर्णयविरुद्ध सर्वोच्चमा मुद्धा दायर
फागुन २३  जेलमुक्त
फागुन २४ राजनीतिक सहमतिबाट शान्तीपुर्ण राजनीतिमा

सिके राउत अमेरिकामा बस्दै र पढ्दै आएका थिए। संगै अमेरिकामै उनी ईन्जीनियरका काम गर्दै आएका थिए ।

मधेशका असन्तुष्टि राजनीतिक दलहरुको समुह तत्कालीन लोकतान्त्रिक मधेसी मोर्चा आन्दोलनमा रहेको समयमा डा सिके राउतले भाषण दिएका थिए ।

२०६८ चैत १८ गते मोर्चाले खुलामञ्चमा गरेको आमसभामा मधेशी बुद्धिजीवीको रुपमा उनले संबोधन गरेका थिए । त्यो भाषणनै उनको राजनीतिक सूरुवाती भाषणा भनेर धेरैले उल्लेख गरेका छन्  ।

राउतले त्यतिबेला मधेस अपमानित भएको भन्दै त्यसका विरुद्ध उत्रनसमेत आह्वान गरे। उनको त्यो भाषणलाई मधेसकेन्द्रित नेता र कार्यकर्ताले प्रशंसा गरे। त्यसपछी उनले स्वतन्त्र मधेसको वकालत गर्दै उनले राज्यसँग छुट्टिन पाउने अधिकार संविधानमै सुनिश्चित गर्नुपर्ने मत राख्दै आए। उनले आफ्नो गतिविधि पनि विस्तार गर्दै  संगठन तथा कार्यकर्ता बनाए।

त्यसपछि उनी विखण्डनकारीका रुपमा चिनिएका थिए। त्यसपछिपनि उनले पटक पटक मधेश अलग राउनुपर्ने भन्दै विभिन्न कार्यक्रम गर्दै हिडे ।  सोही क्रममा पटक पकट पक्राउ पर्दै छुट्दै आए।

यसरी केही वर्ष पक्राउ पर्ने र छुट्ने शृंखला चलिरह्यो । पछिल्लो पटक २०७५ असोज २१ गते राउत पक्राउ परका थिए। अदालतले जेल साजाया सुनाएछि उनी ५ महिनासम्म जेलमै थिए।

त्यसविरुद्ध उनीे २०७५ फागुन १५ गते सर्वोच्च गए। बिहीबार राउतको  निवेदनमा सर्वोच्चले राउतलाई थुनामा राख्न उपयुक्त नभएको फैसला सुनायो ।

त्यसको भोलिपल्टै शुक्रबार राष्ट्रिय सभागृहमा उनले सरकारसँग ११ बुँदे सहमतिपत्रमा हस्ताक्षर गरेर शान्तिपुर्ण राजनीतिकमा आएका हुन् । सहमतिसंगै उनले मधेश अलग हुनुपर्ने विखण्डनकारी माग त्यागेका छन् ।

तर, उनी शान्तिपूर्ण राजनितीमा फर्केको भनिएपनि विगतका कुराहरुमा उनले माफि मागेनन नत आत्मग्लानीने गरे ? न त पृथकतावादी आन्दोलन छाडेकोबारे चुइँक्क बोले । बरु प्रधानमन्त्रीलाई व्यंग्य गर्दै भने, ‘१४ वर्ष जेल बस्नुभएका प्रधानमन्त्रीले बरु जेल बस्दा स्वतन्त्रताबारे त्यति महशुस गर्नु भएन होला, मैले ५ महिना जेल बस्दा स्वतन्त्रताको महत्व अझ थाहा पाएँ ।’

उनको ‘मुभ’ मैले राम्रोसँग बुझ्न सकिनँ । अबको दिनमा उनको राजनीतिक यात्रा कस्तो हुन्छ समयले बताउँने छ।
शान्तिपुर्ण राजनीतीमा आएसंगै सिके राउतले के भने  हेरौ उनको भाषण

Space for Ads 300px * 160px
© 2019 jaljalakhabar.com All right reserved Site By : SobizTrend Technology