शुक्रबार, भदौ ६, २०७६ | Friday 23rd August 2019

इमरानले दिए भारतलाई झट्का, भारतको स्वतन्त्रता दिवसको अघिल्लो दिन यस्तो तयारी

  • प्रकाशित मिति : बुधबार, साउन २९, २०७६



  • काठमाडौं। पाकिस्तानी प्रधानमन्त्री इमरान खानले आफ्नो स्वतन्त्रता दिवसको अवसर पारेर भारतको स्वतन्त्रता दिवसको ठिक अघिल्लो दिन भोलि बुधबार भारत पाकिस्तान सीमाक्षेत्र जाने भएका छन् । भारतले कश्मिरको विशेषाधिकार खारेज गरेलगत्तै इमरानको कश्मिर यात्रालाई अर्थपूर्ण रुपमा हेरिएको छ । इमरानले पाकिस्तान अधिकृत कश्मिरको राजधानी मुजफ्फराबादमा त्यहाँको विधानसभालाई समेत सम्बोधन गर्ने कार्यक्रम छ ।

    पाकिस्तानको स्वतन्त्रता दिवस भारतको स्वतन्त्रता दिवसको ठिक अघिल्लो दिन पर्छ । यस क्रममा पाकिस्तानले कश्मिरी पृथकतावादीहरुको समर्थनमा पीओकेमा र्यालीसमेत आयोजना गरेको छ । पाकिस्तान सरकारले १५ अगष्ट अर्थात भारतको स्वतन्त्रता दिवसको दिनलाई कालो दिवस मनाउने निर्णय गरेको छ । यस दिन पाकिस्तान अधिकृत कश्मिरमा भारत विरोधी र्याली आयोजना गरिएका छन् । पाकिस्तान आफ्नो नियन्त्रणमा रहेको कश्मिरलाई स्वतन्त्र जम्मु कश्मिर भन्छ । एक सरकारी बयानमा भनिएअनुसार प्रधानमन्त्री इमरानसँगै केही मन्त्रीहरु पनि स्वतन्त्र जम्मु कश्मिरको राजधानी मुजफ्फराबाद जानेछन् ।

    प्रतिकृया दिनुहोस


    सम्बन्धित समाचार


    © copyright 2016-2019 and all right reserved to jaljalakhabar | Site By : SobizTrend Technology