प्रकाशित मिति : शनिबार, बैशाख २३, २०७४
महेन्द्रनगर, धनुषा । सपहीमा आज बिहान टिपरले ठक्कर दिँदा सपही निवासी ५५ वर्षीय वैजनाथ साहको मृत्यु भएको छ ।
इलाका प्रहरी कार्यालय महेन्द्रनगरका अनुसार जनकपुर–ढल्केवर राजमार्गअन्तर्गत सपही सडकखण्डमा सो दुर्घटना भएको इलाका प्रहरी कार्यालय महेन्द्रनगरका इन्चार्ज इन्स्पेक्टर नरेश सिंहले बताए । बिहान ५ बजे ढल्केवरतर्फबाट जनकपुर जाँदै गरेको ना ७ ख २२६३ नंको टिपरले बाटो काट्ने क्रममा साहलाई ठक्कर दिएको थियो ।
दुर्घटनापछि टिपर र चालकलाई वडा प्रहरी कार्यालय मुजेलियाले नियन्त्रणमा लिएको छ । अहिले दुर्घटनापछि स्थानीय बासिन्दाले सडक अवरुद्ध गरेका छन् ।
© copyright 2016-2019 and all right reserved to jaljalakhabar | Site By : sobij
