प्रकाशित मिति : बिहिबार, बैशाख २१, २०७४
डेनिस सरकारको सहयोगमा सञ्चालित परियोजनाले सडक निर्माण गर्ने भएको छ । सडकको कूल लम्बाई ५५ किलोमिटर हुने बताइएको छ ।
जसअन्तर्गत एक जिल्लास्तरीय सडक र छ वटा ग्रामिण सडक छन् । दारेगौडादेखि लेगुवा जोड्ने जिल्लास्तरीय सडक निर्माणको काम सुरु भइसकेको छ ।
त्यस्तै ग्रामिण सडकअन्तर्गत ३ दशमलव ४ किलोमिटरको निगाले–उत्तरपानी र चौकीडाँडा–हलचौर सडक ठेक्का लागिसकेका छन ।
बाँकी चार वटा सडकलाई पनि चाँडै ठेक्का लगाई काम सुरु गर्ने उन्नति परियोजना धनकुटामा पूर्वाधारविज्ञ प्रमोद न्यौपानेले जानकारी दिए ।
सोही परियोजनाअन्तर्गत मूलघाट त्रिवेणी सडकको डीपीआर र लेगुवा खोलामा पुलसमेत निर्माण हुने छ ।
© copyright 2016-2019 and all right reserved to jaljalakhabar | Site By : sobij
