प्रकाशित मिति : आइतवार, बैशाख २४, २०७४
काठमाडौँ। काठमाडौंको बिजुलीबजारमा कार अनियन्त्रीत भई दुर्घटना हुंदा १ जनाको मृत्यु भएको छ भने २ जना घाइते भएका छन् ।
गत राति साढे १० बजे बा १६ च ८३०३ नम्बरको कार दुर्घटनाग्रस्त बनेको हो ।
मृत्यु हुनेमा कारमा सवार धनुषा कुरुले घर भई हाल काठमाडौं शान्तिनगर बस्दै आएका चन्द्र निरौला रहेका छन् ।
दुर्घटनामा गम्भीर घाइते भएका निरौलाको उपचारको क्रममा एभरेष्ट अस्पताल बानेश्वरमा राती नै मृत्यु भएको बानेश्वर प्रहरीले जनाएको छ ।
घाइते भएका कार चालक काभ्रेका भक्त लामा र कारमा सवार मिनभवन बस्दै आएका गणेश खत्रीको नर्भिक अस्पतालमा उपचार भैरहेको छ ।
घाइते मध्ये लामाको अवस्था गम्भिर रहेको छ ।
© copyright 2016-2019 and all right reserved to jaljalakhabar | Site By : sobij
