प्रकाशित मिति : बिहिबार, साउन १३, २०७३
काठमाडौं,१३ साउन— नेकपा माओवादी केन्द्रको केन्द्रीय कार्यलयको बैठक आज बस्ने भएको छ । पार्टी कार्यालय पेरिसडाँडामा बस्ने बैठकमा सरकारमा जादा कसरी प्रस्तुत हुने भन्नेबारेमा छलफल केन्द्रित हुने पार्टी प्रवक्ता पम्पा भुसालले जानकारी दिनुभयो ।
बिहान ९ बजे बस्ने बैठकमा देशमा जारी राजनितिक गतिरोध अन्त्य गर्दै नयाँ सरकारमा पार्टीको कस्तो भुमिका रहने भन्ने विषयमा छलफल हुने प्रवक्ता भुसालले बताउनुभयो ।
बैठकमा राष्ट्रपति विद्यादेवी भण्डारीले सहमतीय सरकार गठनका लागि साउन १० गते एक साताको समय दिएपछि राष्ट्रिपतिले दिएको समय सीमा भित्रमा धेरै भन्दा धेरै दलहरुसंगको सहकार्यमा सरकार गठन गर्ने बारेमा छलफल हुने नेताहरुले बताएका छन् ।
यसअघि केन्द्रको सचिवाल समितिको बैठकले अन्यदलहरुको छलफललाई तिव्रता दिने निर्णय गरेको थियो । आजको बैठकमा सचिवालयको बैठकले गरेका निर्णयलाई अनुमोदन गर्ने जनाइएको छ ।
© copyright 2016-2019 and all right reserved to jaljalakhabar | Site By : sobij
