मदिरा सेवन गरेको तीन जनालाई आइतवार प्रहरीले पक्राउ

तुलसीपुर/ ईलाका प्रहरी कार्यालय तुलसीपुरले मदिरा सेवन गरि अराजक गतिविधि गरेको आरोपमा तीन जनालाई आइतवार पक्राउ गरेको छ ।

मदिराले मातेका तीन जना किशोरले विरामी बोकेको एम्वुलेन्स,दुईवटा जिप , केही ट्रेक्टरलाई अनाहकका ढुङ्गामुढागरी क्षति पुर्याएको प्रहरीले जनाएको छ । साथै उनीहरुले वाटोमा जो फेलापर्छ उसैलाई अनाहकमा कुटपिट समेत गर्दै हिडेको प्रहरीले बताएको छ ।

तुलसीपुर नगरपालिका वडा नं. २ रक्षाचौर निवासी अभिषेक बुढामगर, बिपिन नेपाली र तुलसीपुर ६ निवासी सुनिल नेपालीलाई आइतवार दिउँसो रक्षाचौरवाट पक्राउ गरि सार्वजनिक अपराध सम्वन्धि मुद्दा चलाईको ईप्रका तुलसीपुरका प्रमुख डिएसपी कृष्ण प्रसाँईले जानकारी दिए ।

पक्राउ परेका सबैको उमेर समुह १८ देखि २२ वर्ष सम्मको रहेको ईप्रका तुलसीपुरका प्रमुख कृष्ण प्रसाँईले जानकारी दिए । पक्राउ परेकाहरु विरुद्ध सार्वजनिक अपराध सम्वन्धि मुद्दा चलाइएको पनि प्रहरीले जनाएको छ ।

पक्राउ परेका तीन जनाले शनिवार साँझ ८ बजेतिर तुलसीपुर १ गोटीखोलामा विरामी बोकेको एम्वुलेन्समा ढुङ्गामुढा गरि क्षतिपुर्याएका थिए । त्यस्तै उनीहरुले तुलसीपुर २ मजुवास्थित सडक खण्डमा स्थानीय सेतिराम विक, रक्षाचौर आँखा अस्पताल नजिक स्थानीय निमबहादुर गिरीलाई समेत कुटपिट गरि घाईते बनाएको डिएसपी प्रसाँईले जानकारी दिए ।