जहाँ आकाश हेरेर यात्रा तय हुन्छ सदरमुकाम आउने र जाने योजना

जाजरकोट – आज आकाशमा बादल छ या छैन भनेर हेर्दै रिसाङ्ग, दारपाखा, बाहुनथाना, पोखरा नेटा लगाएतका दर्जन गाउँका स्थानियहरु सदरमुकाम आउने जाने गदछन् ।

सदरमुकाम संगै जोडिएको भेरीमालिका नगरपालिका–२ मा रहेको दार खोला, झ्याली खेत खोला र कोट खोलामा पुल नबन्दा यहाँका स्थानीयहरु आकाश हेरेर यात्रा गर्न वाध्य भएको स्थानीय पार्वती केसीले बताउँछिन् ।

सबैभन्दा बढी मारमा दैनिक सदरमुकाममा रहेको विद्यालयमा पढ्न आउने विद्यार्थीहरु परेका छन् । पुलको अभावमा त्रिभुवन उच्च माध्यमिक विद्यालय खलंगा, त्रिभुवन निम्न माध्यमिक विद्यालय रिसाङ्ग र विष्णु प्राथमिक दारनेटाका विद्यार्थी विद्यालय सयौ विद्यार्थीहरु आकाश हेरेर यात्रा गर्न वाध्य भएको केसीले बताइन् ।

विद्यार्थीहरु मात्र होईन वर्षायाममा रिसाङ्ग, दार, बाहुनथाना, पोखरा नेटा पुरानो रिसाङ्ग, दारागाउ, तातोपानी, नेटा, कल्याणपुर, रोट, झ्यालीखेत , का स्थानियहरु सास्ती भोग्दै आएका छन् । वर्षायाममा मात्र खोला तर्न नसक्ने अवस्थामा पुग्ने यी खोलामा पुल निर्माण भएको भए ढुक्क साथ यात्रामा सहजता आउने स्थानीयको भनाई छ ।

जिल्लाका टालेगाउ, डाडाँगाउ, रामीडाडा, रोकायगाउ , ढिमे, पैक, अर्छानी, र नायकबाडा गाविसका बासिन्दालाई सदरमुकाम आउन समस्या पार्ने गरेको ढिमे–१ का कालीप्रसाद थापाले बताए।

यो ठाउँमा वाटो वर्षायाममा भत्किएका कारण यातायात सेवा पूर्ण रुपमा ठप्प भएको छ भने खच्चडहरु पानीको मात्रा कम भएको दिनमा मात्र आवतजावत गर्न सक्ने नायकवाडाका प्रेमविक्रम शाहीले बताए ।