बौलाहा कुकुरको टोकाईबाट ओखलढुंगामा ६ जना घाईते

ओखलढुंगा । ओखलढुंगामा शुक्रबार बौलाहा कुकुरको टोकाइबाट ६ जना घाईते भएका छन् । घाइते हुनेहरुमा सिद्धिचरण नगरपालिका वडा नम्बर ५ का बगेश्वर राजभन्डारी, यज्ञराज राई, सुरज श्रेष्ठ र डिल्ली परियार रहेका छन् ।

त्यस्तै कुकुरको टोकाईबाट कुन्तादेबी ७ का शान्ता कार्की र तलुवा गाबिस वडा नम्बर ३ का गणेश श्रेष्ठ पनि घाईते भएको जिल्ला प्रहरी कार्यलय ओखलढुंगाका प्रहरी निरिक्षक दीपक शाहाले बताए ।

उनीहरुलाई हिँडिरहेको अवस्थामा एउटै कुकुरले टोकेको प्रहरीको भनाई छ । घाइतेहरु सामुदायीक अस्पताल मिसनमा सामान्य उपचारपछि घर फर्किएका छन् ।

ओखलढुंगा बजारको गणेशटोलमा हिडिरहेका उनीहरुलाई एकाएक कुकुरले टोकेको थियो । मानिसलाई टोकेपछि कुकुर फरार भएको भएपनि प्रहरीको नियन्त्रणमा मार्न सफल भएको प्रहरी निरिक्षक शाहले बताए ।

उनका अनुसार सो कुकुरलाई रेबिज लागेको आशंकामा पोष्टमार्टमका लागी काठमाडौं पठाइएको बताइएको छ ।