तीज महोत्सव शुरु

धनगढी । कैलालीका महिलाहरुले तीज महोत्सव शुरु गरेका छन । आजदेखि कैलालीको उद्योग वाणिज्य संघमा महिलाहरुले सो महोत्सव शुरु गरेका हुन् ।

आर्थिक समृद्धि तथा संस्कृति संरक्षण महिला व्यवसायी भन्ने नाराका साथ शुरु भएको सो महोत्सव तीन दिन सम्म चल्ने महिला उद्यमी एंव कैलाली उद्योग वाणिज्य संघका उपाध्यक्ष रुकमणी देवकोटाले जानकारी दिईन् ।

महोत्सवमा आज नाँच गान गरिएको छ भने भोलीबाट प्रतियोगिता शुरु हुने आयोजकले जनाएको छ । प्रतियोगितामा पहिलो हुनेलाई २५ सय, दोस्रोलाई दुई हजार र तेस्रोलाई १५ सय नगद सहित पुरस्कार गरिने जनाईएको छ ।

प्रतियोगितामा एक सय ५० महिलाको सहभागिता रहेको छ । सहभागिहरुले आफ्नै भाषा र लयमा नाँच गान गर्नुपर्ने जनाईएको छ ।
महोत्सवको एक कार्यक्रमका बिच कैलाली प्रमुख जिल्ला अधिकारी गोविन्दप्रसाद रिजालले उद्घाटन गरेका थिए ।

कैलाली उद्योग वाणिज्य संघ, महिला उद्यमी विकास समितिका अध्यक्ष विष्णु पुरीको अध्यक्षतामा भएको हो ।

यस्तै, तीजको अवसरमा धनगढी उपमहानगरपालिकाका मन्दिरहरुमा महिलाहरुले तीजका गानामा नाचगान र रमाईलो गर्नमा व्यस्त छन् । नजिकिदै गरेको तीजको चहलपहल पनि बजारमा बढ्दै गएको छ ।

अहिले बजारमा सामान किनमेल गर्ने महिलाहरुको संख्या पनि बढ्दै गएको छ ।