प्रकाशित मिति : बिहिबार, साउन २०, २०७३
राजविराज । पूर्व पश्चिम राजमार्ग अन्र्तगत सप्तरीको सितापुरमा विहीबार विहान कुखुरा बोकेको गाडी दुर्घटना हुँदा एक जना घाइते हुनुका साथै दुई लाख बराबरको क्षति भएको छ ।
पूर्वबाट पश्चिमतर्फ जाँदै गरेको ना२च ७६३४ नम्वरको गाडी सितापुर–३ स्थित अनियन्त्रित भई दुर्घटना भएको हो ।
दुर्घटनामा परि गाडीको स्टाफ झापा जलथल–९ का ४० वर्षीय फुर्वा तामाङ घाइते भएका छन् भने ५ सय थान कुखुरा मरेर नष्ट भएको गाडीको सह–चालक धन बहादुर नेम्माङले जानकारी दिएका छन् ।
घाईते तमाङको कञ्चनरुपस्थित धर्मेश्वर अस्पतालमा उपचार भइरहेको छ । ईलाका प्रहरी कार्यालय महुलीका इन्चार्ज प्रहरी नायब निरीक्षक सुमन न्यौपानेका अनुसार दुर्घटनामा परेको गाडी र चालक ईलाका प्रहरी कार्यालय महुलीको नियन्त्रणमा रहेको छ ।
© copyright 2016-2019 and all right reserved to jaljalakhabar | Site By : sobij
