पत्रकार अर्जुन महराको श्रद्धाञ्जली सभा

देउखुरी २३ साउन । रेडियोकर्मी, पत्रकार अर्जुन महराको श्रद्धाञ्जली सभा कार्यक्रम आज महराको निवास लमहीमा सम्पन्न भएको छ । नेपाल पत्रकार महासंघ दाङ शाखाको आयोजनामा श्रद्धाञ्जली सभा सम्पन्न भएको हो । महासंघका कार्यवाहक अध्यक्ष लक्ष्मी आचार्यको अध्यक्षता एवम् प्रेस सेनानी तथा महासंघका पुर्व अध्यक्ष सुशिल गौतमको प्रमुख आतिथ्यतामा भएको सभामा बोल्ने वक्ताहरुले पत्रकार महराले सञ्चार जगतमा पु¥याएको योगदानको चर्चा गर्दै एक असल, इमान्दार र कर्मठ पत्रकार गुमाएकोमा दुख प्रकट गरेका थिए । सभामा रेडियो हाईवेका प्रबन्ध निर्देशक के.पी घिमिरे, रेडियो मध्यपश्चिम एफ.एमका अध्यक्ष माधव प्रसाद शर्मा लगायतका वक्ताहरुले शोक मन्तव्य व्यक्त गर्नु भएको थियो । साथै सभामा पछिल्लो पटक महासंघमा संकलन भएको रु ३३ हजार ६ सय ५ रुपैयाँ मृतक महराको परिवारलाई हस्तान्तरण गरिएको थियो । कार्यक्रमको सञ्चालन महासंघका सचिव डिल्ली मल्लले गर्नु भएको थियो । लामो समय देखि ब्लड क्यान्सर र निमोनियाबाट ग्रसित पत्रकार महराको साउन १६ गते उपचारकै क्रममा काठमाण्डौमै निधन भएको थियो । महराको उपचारको लागि नेपाल पत्रकार महासंघ, रेडियो हाईवे, देउखुरी कृषि बहुउद्देश्य सहकारी संस्था, विभिन्न संघ संस्था र व्यक्तिहरुबाट गरि करिव २ लाख बराबरको रकम सहयोग प्राप्त भएको थियो ।