विश्वकै भाग्यमानी ? प्लेन दुर्घटनाबाट बाचेको एकहप्तामा १ मिलियन डलरको चिठ्ठा

दुबई – ६ दिनअघि मोहमद बासिर अब्दुल खदार ६ दिन अघि विमान दुर्घटनाबाट बालबाल बचेका थिए । उनी सवार इमिरेटस्को इके ५२१ विमान दुबईको विमानस्थलमा दुर्घटनामा परेको थियो ।

प्लेन पड्किएर आगोको डल्लोमा परिणत हुनअघि केही मिनेटअघि उनीसँगै विमानमा सवार ३ सय जना सकुशल निस्कन सफल भएका थिए । त्यतिबेला भाग्यले बाँचेका ६२ वर्षीय खदारले अहिले १ मिलियन डलर बराबरको चिठ्ठा जितेका छन् ।

दुबईको एक कार डिलरसिप कम्पनीमा काम गर्ने भारतीय मुलका खदारले परिवारसँग भारतको केरलामा छुट्टीमा जानअघि दुबईको अन्तर्राष्ट्रिय विमानस्थलमा दुबाई ड्युटी फ्रि मिलेनियम मिलियनेर लट्री किनेका थिए ।

तर, फर्कदा उनको प्लेन दुर्घटना पर्यो । त्यतिबेला भाग्यले उनी बाँच्न सफल भए । अहिले फेरि उनलाई भाग्यले साथ दिएको छ । उनको किनेको ०८४५ नम्बरको टिकटले ३.६७ मिलियन दिराम जित्न सफल भएका छन् ।

गल्फ न्युजसँग कुरा गर्दै उनले भनेका छन्, ‘मैले दुबईमा ३७ वर्षदेखि दुबईमा काम गरिरहेको छु । मलाई यो मेरै देशजस्तै लाग्छ । मलाई दोस्रो जीवन दिनुभएकोमा भगवानलाई धन्यवाद दिन चाहन्छु । अझ पैसा पनि थप दिनुभएकोमा पनि धन्यवाद दिन चाहन्छु । यसलाई राम्रो काममा खर्चने छु ।’

उनले किनेको यो १७ औं टिकट हो । सन् १९७८ देखि दुबईमा काम गर्न शुरु गरेका खदिर अबको चार महिनापछि अवकास पाउँदैछन् ।