जिल्लामा बर्षेनि खेति योग्य जमिन बाझो हुने क्रम बढ्दैै

२७-साउन / जिल्लामा बर्षेनि खेति योग्य जमिन बाझो हुने क्रम बढ्दैै गएको छ । दाङमा भएको कुल ३९ हजार हेक्टर खेति योग्य जमिनमा गत बर्ष ३६ हजार ५ सय हेक्टरमा मात्रै खेति भएको थियो ।

उक्त खेति बाट १ लाख ४९ हजार ६ सय ५० मेट्रीक टन धान उत्पादन भएको जिल्ला कृषि विकास कार्यालय दाङले बताएको छ । त्यस्तै देउखुरीमा १ सय हेक्टर जमिनमा चैते धान रोपिएको थियो । विभिन्न जातको धान खेति हुने जिल्लामा यस बर्ष पनि केहि ठाउमा खेत बाझो हुने बताइएको छ ।

गत बर्षको तुलनामा यस वर्ष पनि केहि ठाउमा खेति नहुने कार्यालयका योजना अधिकृत तिलक केसीले बताए । जिल्लामा यस बर्षको धान रोपाई लगभग सकिएको र केहि ठाउमा खेति हुन नसकेको उनले बताए । तर कति हेक्टर जमिनमा धान खेति भएन भन्ने डाटा निकाल्ने काम भैरहेको उनको भनाई छ ।

तर खेति योग्य जमिन बाझो हुने क्रम बढेपनि उत्पादन बढाउनका लागि भने लागेपरेको कार्यालय बताउछ । उत्पादन बढाउन लागि उन्नत जातका विउहरु , मल र सिचाईमा ध्यान दिएको बताएको छ । घडेरीका लागि प्लटिङ्ग गर्नु, खेती गर्ने मान्छे घरमा नहुनु, समयमा श्रमिक नपाउनु लगायतका कारणले खेत बाझो हुने क्रम बढ्दै गएको कार्यालयको तर्क छ ।