ललितपुरमा मोबाइल एक्स्पो सुरु

काठमाडौ । ललितपुरको लगनखेलस्थित कर्मचारी संचय कोषमा रहेको ललितपुर मल तथा ललितपुर मोबाइल कम्प्लेक्सले प्रथम वार्षिकोत्सवको अवसर पारेर मोबाइल एक्स्पो २०७३ शुरु गरेको छ । यहि शुक्रबारदेखि सुरु भएको एक्सपोमा मोबाइल खरिदमा विभिन्न छुट तथा उपहार योजना लागु भएको छ ।

एक्स्पोको संस्कृती, पर्यटन तथा नागरिक उड्डयन मन्त्री जीवन बहादुर शाहीले उद्घाटन गरेका थिए । ललितपुर मोबाइल कम्प्लेक्सका अध्यक्ष पुरुषोत्तम बस्नेतले नेपालमा सूचना प्रविधि र मोबाइलको विकास गर्न कम्प्लेक्सले महाविर पुनको अभियानलाई सहयोग गर्ने बताए ।

हरेक मोबाइलको खरिदमा १० रुपैयाँ महाविर पुनको अभियान अन्तर्गत स्थापना हुने राष्ट्रिय आविस्कार सेन्टरलाई दिने घोषणा गरिएको जनाइएको छ ।

केन्द्रलाई ललितपुर मोबाइल कम्प्लेक्सले १ वर्षसम्म प्रत्येक मोबाइलको बिक्रीबाट आएको रकम प्रदान गरिने जनाएको छ । मोबाइल एक्स्पोमा करिब ३ लाख भन्दा बढीले अवलोकन गर्ने अनुमान गरिएको छ ।

सामसोङ, हुवावे, जियोनी, आईफोन, एचटिसी, माइक्रोसफ्ट फोन, डिटिसी, ओवीआई, लाभा, विनकम, फ्लाई, कलर्स, इन्टेक्स, माइक्रोम्याक्स, सोनी, एलजी, ब्ल्याकबेरी, कार्बन, पानासोनिक, जेडटिईलगायत ब्राण्डका फोनहरु उपलब्ध छन् ।