काठमाडौ । फ्लोरिकल्चर एशोसिएसन नेपाल(फ्यान)को अध्यक्षमा कुमार कसजु श्रेष्ठ निर्बाचित भएका छन् । मंगलबार भएको निर्वाचनमा कसजु अध्यक्षमा निर्बाचित भएका हुन् ।
फ्यानको २४ औं साधारण सभामाभएको निर्बाचनमा कसजुले संजिब कार्कीलाई ४ मतले पराजित गर्दै निर्वाचित भएका छन् । फ्यानको बरिष्ठ उपाध्यक्षमा दिलिप बादे, उपाध्यक्षमा रामजी तिमिल्सेना र सचिबमा बिश्वमणि पोखरेल बिजयी भएका छन् ।
उपाध्यक्ष र सचिब पद भने निर्बिरोध भएको हो ।
लामो समय फ्लोरिकल्चर एशोसिएसनमा उपाध्यक्ष तथा मेला संयोजक बनेर काम गरेका कसजुले काठमाडौं नर्सरी मार्फत आफ्नो व्यवसायलाई उत्तिकै रुपमा सफलब नाएका छन् ।
आन्तरिक कारण देखाएर निवर्तमान अध्यक्ष लोकनाथ गैरेले अध्यक्ष पदबाट राजीनामा दिएपछि फ्यानले लामो समय नेतृत्व पाउन सकेको थिएन ।
कार्यक्रमको उद्घाटन कृषि बिकास मन्त्री गौरी शंकर चौधरीले गरेका थिए । उनले दुई महिना भित्रै किसान आयोग गठन गर्ने घोषणा गरेका छन् । उनले कृषि क्षेत्रको विकासका लागि किसान आयोग गठन गर्न लागेको बताएका हुन् ।
