प्रकाशित मिति : शुक्रबार, भदौ ३१, २०७३
भैरहवा । नापी कार्यालय रुपन्देहीमा कार्यरत नापी सर्वेक्षक घुस रकमसहित पक्राउ परेका छन् । पक्राउ पर्नेमा सर्वेक्षक गंगा प्रसाद शाह रहेका छन् ।
साहले सिद्भार्थ नगर नगरपालिकामा भएको कित्ता नं। ३४०८ को दश धुर क्षेत्रफल रहेको जग्गा र घरको हालसाविक गर्ने निवेदन उपर कानुन बमोजिम नगरी बिभिन्न वाहानामा सेवाग्राहीसंग धुस रिसवत माग गरिरहेको भन्ने उजुरी अख्तियार दुरुपयोग अनुसन्धान आयोगमा परेको थियो ।
सूचनाको आधारमा आयोगको बुटवल स्थित कार्यलायबाट खटि गएको टोलीले साहलाई १५ हजार घुस रकम लिदै सिद्भार्थ नगर नगरपालिका ३ मा रहेको सिद्भार्थ गौतम कोलोनी स्थित सेवाग्राहीको घरबाट घुस रकम सहित नियन्त्रणमा लिएको हो । घटनाको अनुसन्धान भइरहेको आयोगले जनाएको छ ।
© copyright 2016-2019 and all right reserved to jaljalakhabar | Site By : sobij
