प्रकाशित मिति : शनिबार, अशोज १, २०७३
काठमाडौं । भारतको चार दिने औपचारिक भ्रमणका क्रममा रहेका प्रधानमन्त्री पुष्पकमल दाहाल प्रचण्डले आज भारतको हिमाञ्चल प्रदेशमा रहेको जलविद्युत आयोजनाको अवलोकन गर्दैछन् । प्रधानमन्त्री सहितको टोलीले हिमाञ्चल प्रदेशको नाक्माझाँक्री जलविद्युत आयोजना अवलोकन पछि भारतका बुद्धीजिवीहरुसँग छलफल गर्ने कार्यक्रम तय गरिएको छ ।
साथै प्रधानमन्त्रीले हरिद्वार गएर त्यहाँको औद्योगिक उत्पादन अवलोकन गर्ने कार्यक्रम समेत तय भएको छ । समय मिलेमा नेपाली समुदायका व्यक्तित्वसँग अन्तत्र्रिmया गर्ने कार्यक्रम समेत राखिएको प्रधानमन्त्रीका परराष्ट्र सल्लाहाकार ऋषीराज अधिकारीले जनाकारी दिएका छन् ।
प्रधानमन्त्रीले शुक्रबार नयाँ दिल्लीमा अफिसियल भेटघाट सम्पन्न गरेपछि आजदेखि भारतले निमार्ण गरेका विकासका पूर्वाधारहरुको अवलोकन भ्रमण शुरु गरेका ह्न् ।
भोली पनि अवलोकन भ्रमण र केही भेटघाटपछि साँझ स्वदेश फर्कने कार्यक्रम रहेको छ ।
© copyright 2016-2019 and all right reserved to jaljalakhabar | Site By : sobij
