पूर्व गृहमन्त्री घिमिरेका तीन भाई त्रिशुलीमा बेपत्ता !

काठमाडौं  ।   आमालाई मुक्तिनाथको दर्शन गराएर काठमाडौं फर्कँदै गरेका पूर्व गृहमन्त्री माधव घिमिरे चढेको कार दुर्घटना हुँदा उनका तिनै भाई बेपत्ता भएका छन् । आईतबार साँझ उनिहरु चढेको कार चितवनको घोप्टेभिर भन्ने स्थानबाट करिब तिन सय मिटर तल त्रिशुली नदिमा खस्दा घिमिरेकी आमा सहित तिन जनाको मृत्यु भएको छ ।

पुर्व गृहमन्त्री घिमिरे सहित उनका भाईहरु प्रकाशचन्द्र घिमिरे र मोहन घिमिरे त्रिशुलीमा बेपत्ता भएको प्रहरीले पुष्टि गरेको छ । राष्ट्रिय खेलकुद परिषद्को खेलकुद प्रतियोगीता तथा योजना विभाग प्रमुखको रुपमा कार्यरत प्रकाशचन्द्र घिमिरेका कान्छा भाई हुन् । पारिवार निकट स्रोतले मोहन उनका सहोदर भाई नभएको भनेपनी आधिकारीक पुष्टि भएको छैन ।

दुर्घटनमा परेका कार चालक विष्णु राई घाईते भएका छन् । दुर्घटनामा परेका आफन्त नारायण प्रसाद काफ्ले र अंगरक्षक रामचन्द्र कार्किको मृत्यु भएको विपत ब्यवस्थापन तालिम केन्द्र कुरीनटारका प्रवक्ता गणेशबहादुर थापाले जानकारी दिए ।

को हुन घिमिरे ?
नेपाल सरकारका पूर्वमुख्य सचिव तथा पूर्वगृहमन्त्री घिमिरेको जन्म विसं २०१७ माघ २५ गते पाल्पाको तानसेन नगरपालिका–१२ मा भएको थियो । पाल्पाबाटै विद्यालय शिक्षा पूरा गरेका उनले त्रिभुवन विश्वविद्यालयबाट व्यापार प्रशासन, ग्रामीण तथा क्षेत्रीय विकास योजनामा स्नातकोत्तर र एसियन इन्स्टिच्युट अफ टेक्नोलोजी (एआइटी)बाट नेपालमा गरीबी न्यूनीकरणसम्बन्धी विकास योजना विषयमा विद्यावारिधि गरेका थिए ।

२०६९ चैत १ गते खिलराज रेग्मीको अध्यक्षतामा बनेको चुनावी सरकारको पालामा घिमिरे गृह तथा परराष्ट्रमन्त्री बनेका थिए ।

पूर्वमुख्यसचिव एवं पूर्वगृहमन्त्री घिमिरेले मानव संशाधन व्यवस्थापन र एकीकृत ऊर्जा योजनामा पाकिस्तान, मलेसिया र अष्ट्रेलियाबाट पनि उच्च शिक्षा हासिल गरेका थिए ।  घिमिरे योजना अधिकृतको रूपमा महालेखा परीक्षकको कार्यालयबाट निजामती सेवामा प्रवेश गरेका थिए । घिमिरेका एक छोरा र एक छोरी छन् ।