अफिसियलद्वारा मैदानमै पिटिए रेफ्री

काठमाडौं  ।  अखिल नपाल फुटबल संघ (एन्फा) को कमजोर व्यवस्थापन र लापरवाहीका कारण मंगलबार रेफ्री पिटिएका छन् ।

सहिद स्मारक बी डिभिजन लिग फुटबलअन्तर्गत सातदाबाटोस्थित एन्फा कम्प्लेक्स मैदानमा न्यूरोड टिम (इनआरटी) विरुद्वको खेल सकिएपछि श्रीकुमारी क्लबका अफिसियलसहितको भीडले मैदानभित्रै पसेर मुख्य रेफ्री सुदिश पाण्डे तथा लाइन्सम्यानद्वय पदम भुजेर र युनाल मल्ललाई आक्रमण गरेको थियो ।

खेलको अन्ततिर लाइन्स म्यान पदम भुजेलको निर्णयविरुद्व असन्तुष्टि जनाउँदै नाराबाजी गरेका श्री कुमारीका अफिसियल त्यसको केही मिनेटपछि मैदानमा प्रवेश गरेका थिए ।

तर खेल सामान्य रुपमा सकिएको थियो । लाइन्सम्यान पदमलाई आक्रमण र्ग आएको भीडलाई पन्छाउन जाँदा सुदिश र युनाल पनि पिटिएका थिए ।