गाईघाटवासीका दु:खका दिन गए

उदयपुर । सदरमुकाम गाईघाटका स्थानीयले बाढीका कारण अकालमा ज्यान गुमाउनपर्ने बाध्यता हटेको छ । धरान÷चतरा, गाईघाट÷कटारी, सिन्धुली÷हेटौडा जोडने बैकल्पीक लोकमार्ग अन्तरगत त्रियुगा नगरपालिकाको बरुवा खोलामा पुल निर्माण भएसँगै स्थानीयमा यातायातको पहँुच पुगेको हो । पुल नबन्दा उक्त स्थानमा बर्षेनी केही स्थानीयले बाढीको कारण ज्यान गुमाउन बाध्य थिए ।

नौ वटा पिलर सहित आठ स्पान आरसिसि फाउण्डेशन भएको उक्त पुलको आज एक कार्यक्रमको विच भौतिक योजना तथा यातयात मन्त्री रमेश लेखकले उद्घाटन गरेका छन ।

पुल उद्घाटन समारोहलाई सम्बोधन गर्दै मन्त्री लेखकले बिकास निर्माणका काम सबैको साझा रहेको कसैले विरोध गर्नु आवश्यक नरहेको बताए ।

७ करोड ८८ लाखको लागत निर्माण भएको पुल तिन बर्ष अघि निर्माण सुरु गरिएको हो । उक्त पुल नाकाबन्दीको कारण इन्धन अभाव र ढुंगा गिटी बालुवा निकासीमा भएको अवरोधका बावजुत निर्धारित समयमा नै सम्पन्न भएको थियो ।

बरुवामा पुल निर्माण भए पछि जिल्लाको पुर्वी क्षेत्रको साथै त्रियुगा नगरपालिका ४ र ५ नं. वडाका स्थानीयलाई सहज भएको छ ।
तीनसय ८० किलोमिटर लामो धरान हेटौडा सडकमा रहेको सम्पूर्ण नदी तथा खोलाहरुमा सडक संरचना निर्माण गर्ने कार्य धमाधम भईरहेको छ ।