ललितपुरमा मोटरसाइकल दुर्घटना हुँदा १ को मृत्यु, २ घाइते

काठमाडौं । ललितपुरको गोदावरी नगरपालिका–६ स्थित बाँडेगाउँमा मोटरसाइकल दुर्घटना हुँदा १ को मृत्यु भएको छ भने २ जना घाइते भएका छन् ।

बुधबार साँझ बा२५प १०५० नम्बरको मोटरसाइकल दुर्घटना हुँदा मोटरसाइकलको पछाडी सवार स्थानीय २७ वर्षीय मनिष श्रेष्ठको उपचारको क्रममा मृत्यु भएको हो ।

दुर्घटनामा घाइते भएका मोटरसाइकल चालक बिकी नापित र पैदलयात्री सन्त तामाङको पाटन अस्पतालमा उपचार भइरहेको प्रहरीले जनाएको छ ।

त्यस्तै भद्रकालीमा आज बिहान मोटरसाइकल दुर्घटना हुँदा एक जना गम्भिर घाइते भएका छन् । मोटरसाइकल अनियन्त्रित भई दुर्घटना हुँदा डल्लु बस्दै आएका काभ्रेका १९ वर्षीय बुद्व लामा रहेका छन् ।

घाइते लामाको विर अस्पतालमा उपचार भइरहेको छ ।