नयाँ नगरमा फस्टाउँदै यौन व्यापार

जनकपुधाम । धनुषा जिल्लाको क्षिरेश्वरनाथ नगरपालिकामा अन्तर्गत रहेको महेन्द्रनगर व्यापारिक केन्द्रको रुपमा विकसित हुदै गईरहेको छ । तर, त्यो सँगसँगै यौन व्यवसाय पनि सँग फस्टाउँदै गई रहेको छ ।

महेन्द्रनगरदेखि दक्षिण करिव १ कि.मिको दुरी मा जनकपुर–ढल्केवर सडक खण्डको दुवै छेउमा रहेको रेष्टुरेन्टहरुमा खुल्ला रुपमै यौन व्यापार भइरहको छ । यस्ता विकृति फस्टाउँदै जाँदा समेत स्थानिय प्रशासनको त्यस तर्फ ध्यान केन्द्रित हुन सकेको छैन । जनकपुरमा खुल्ला रुपमा यौनधन्दा गर्नबाट बंचित भएपछि उनीहरु महेन्द्रनगरलाई यौन व्यापार अखाडा बनाएका छन । होटेल अगाडि रेष्टुरेन्टको बोर्ड झुण्डिइयाईए पनि भित्र भने देहव्यापार भईरहेकोे स्थायनीयहरुको आरोप छ ।

दुई बर्ष अघि १ छाप्रो बनाएर सडकको छेउमा सुरु गरिएको सो यौनव्यवसाय हाल आएर आधा दर्जन छाप्रो जसमा एउटा घर इँटाको पनि रहेको छ । स्थानीयहरुको भनाई अनुसार नयाँ सिडियो, नयाँ एसपी र ईलाकामा नयाँ इन्सपेक्टर आएपश्चात होटलहरु केही दिन बन्द हुने तर फेरी केही दिनपछि सो होटलहरु सञ्चालनमा आउँछन् ।

अन्य होटलहरुको तुलनामा त्यहा पाईने हरेक परिकार तथा पेय पदार्थको पनि दररेट सय पचास बढि नभई दोब्बर तेब्बरभन्दा पनि बढि रहेको सो स्थानामा सञ्चालित मुन स्टार रेष्टुरेन्टको बिलमा उल्लेख भएको पाइन्छ । मुनलाइट रेस्टुरेन्टको बिलमा २ सय रुपैयाँमा पाइने बियर ५ सय ५०, २५ रुपैयाँको पानीको बोतल १ सय ५०, १० रुपैयाँमा पाइने चुरोट २५ रुपैया ग्राहकबाट लिएको सहज रुपले देख्न सकिन्छ । यी होटलहरु यौन व्यावसायको साथै राज्यको कर पनि छलि गरिरहेको सो बिलबाट प्रस्ट देखिएको छ ।

त्यसैगरि सो रेष्टुरेन्ट कोठीहरुमा प्रति रेष्टुरेन्टमा ५ देखि ८ जना युवतीहरु हुन्छन् । यस्ता रेष्टुरेन्ट कोठी त्यहा ५ वटा होटल रहेका छन् । एउटा भने पक्की घर बनाइएको अजनवी रेष्टुरेन्टबाहेक अन्य सबै घरहरुमा न बोर्ड, न रेष्टुरेन्ट लेखिएको न कुनै संकेत छ । साथै होटलभित्र रेट लिस्टको मेनु पनि हुँदैन ।