प्रकाशित मिति : शुक्रबार, कार्तिक १२, २०७३
दाङ । सातवटै प्रदेशमा मेडिकल कलेज सञ्चालनमा ल्याउने सरकारको योजना अन्तर्गत दाङमा राप्ति स्वास्थ्य विज्ञान प्रतिष्ठानको विधेयक तयार भएको छ । प्रदेश नम्बर ५ को मेडिकल कलेजका लागि उक्त विधेयक तयार पारिएको हो ।
राप्ति उप क्षेत्रीय अस्पताल घोराहीलाई मेडिकल कलेज बनाउने गरी स्वास्थ्य मन्त्रालयले विधेयक तयार पारेको हो । सहमतिका लागि विधेयक कानून मन्त्रालय पठाउने तयारी स्वास्थ्यले गरेको छ ।
मन्त्री परिषद्ले पास गरेपछि विधेयक संसद सचिवालयमा दर्ता हुनेछ । संसद सचिवालयले पास गरेपछि राप्ती स्वास्थ्य विज्ञान प्रतिष्ठानले पूर्णता पाउने उपक्षेत्रिय अस्पतालका निमित्त मेडिकल सुपरिटेण्डेन्ट डा. जनार्दन पन्थीले जानकारी दिए ।
आगामी कार्तिक दोस्रो साता सम्म प्रतिष्ठानको कानुनी कामहरु पुरा हुने र कार्यान्वयनको चरणमा लैजाने उनले बताए ।
© copyright 2016-2019 and all right reserved to jaljalakhabar | Site By : sobij
