पुर्वाधार निर्माणमा योजना आयोगको प्राथमिकताः उपाध्यक्ष श्रेष्ठ

म्याग्दी  ।  राष्ट्रिय योजना आयोगका उपाध्यक्ष डाक्टर मिनबहादुर श्रेष्ठले नेपालको आर्थिक विकास र सम्बृद्धीका लागि पुर्वाधार निर्माणमा प्राथमिकता दिएको बताएका छन् ।
म्याग्दी उद्योग वाणिज्य संघले आईतबार बेनीमा आयोजना गरेको कार्यक्रममा उपाध्यक्ष श्रेष्ठले सडक, उर्जा, पर्यटन, कृषि, सञ्चार क्षेत्रको विकासका लागि पुर्वाधार निर्माणमा जोड दिएको बताए ।

जनतालाई सुबिधा, रोजगारी सिर्जना र देशको आम्दानी वृद्धी हुने पुर्वाधार आयोजनामा राज्यले लगानी बढाएको उपाध्यक्ष श्रेष्ठको भनाई छ ।
विकासका लागि राजनितिक स्थिरता, प्रशासनीक समन्वय र समुदायको सहयोग आवश्यक रहेको श्रेष्ठले बताए ।

सरकारले निजी क्षेत्रलाई लगानीका लागि प्रोत्साहन गर्न पुर्वाधार निर्माणमा प्राथमिकता दिएको जानकारी दिए ।
उपाध्यक्ष नियुक्त भएपछि पहिलो पटक गृहजिल्ला आउनुभएका उपाध्यक्ष श्रेष्ठले म्याग्दीमा उर्जा, पर्यटन र सडक पुर्वाधारको विकासमा पहल गर्ने प्रतिवद्धता जनाए ।

उपाध्यक्ष श्रेष्ठले उद्योग वाणिज्य संघको तर्फबाट बधाई ज्ञापनका साथै स्वागत गरिएको थियो । संघका अध्यक्ष जिवनबहादुर विश्वकर्माले म्याग्दीमा सडक स्तरवृद्धी, विस्तार, तटीय क्षेत्रका बस्ती संरक्षण, जलविद्युत आयोजना निर्माणका लागि पुर्वाधार तयार र औद्योगीक क्षेत्र स्थापनाका लागि उपाध्यक्ष श्रेष्ठको ध्यानाकर्षण गराए ।