ट्राफिक प्रहरीको गाडीदेखि होसियार !

काठमाडौं   ।  सवारी साधन चलाउँदा कतै तपाईँले सवारी नियम त उल्ङघन गरिरहनु भएको छैन ? ट्राफिक प्रहरी नबसेको स्थानमा  नियम उलंघन गर्नु भयो भने समेत तपाइ कारबाहीमा पर्न सक्नुहुन्छ ।

किनकी महानगरीय ट्राफिक प्रहरी महाशाखाले उपत्यकाका सबै ट्राफिक प्रहरीहरुका सवारी साधनमा ड्यास बोर्ड क्यामेरा जडान गरेको छ ।
क्यामरा जडानपछि अब सडकमा ट्राफिकले देखेन भनेर गल्ती गर्नेहरु छुटकारा नपाउने र सडकमा अनुशासन कायम गर्न ठूलो सहयोग पुग्ने ट्राफिक महाशाखा प्रमुख प्रहरी नायब महानिरीक्षक प्रकाश अर्यालले बताए ।

यी क्यामेराले सडकमा गुडिरहेकाको गाडीको गतिका साथै सडकको छेउमा पार्किङ गरेर राखेका र सडकमा बाटो काट्नेहरुको निगरानी गर्ने छ । यो सबै काम भिडियो रेकर्डबाट हुने छ ।

आजदेखि सञ्चालनमा ल्याइएको क्यामेराले कसैले गल्ती गरेर भाग्ने र पछि मैले गल्ती गरेको छैन भन्नेहरुका लागि भिडियो सहितको प्रमाण हुने भएकाले कारवाहि गर्न सजिलो हुने ललितपुर ट्राफिक प्रहरी प्रमुख इन्सपेक्टर सीताराम हाछेथुले बताए ।

ट्राफिक प्रहरीले पहिला प्रयोग गरेका क्यामेराहरुले एउटै ठाँउमा मात्र खिच्थे भने यो क्यामेरा ट्राफिक प्रहरीको गाडिमा हुने हुँदा सबै ठाँउको गतिबिधि रेकर्ड गरिरहेको हुन्छ ।

अब सडकमा गल्ती गर्नेलाई निरुत्साहित गरी सडकमा सवारी आवागमन सजिलो हुने हाछेथुले बताए । यसबाट लेन मिच्ने, जथाभावि ओभरटेक गर्ने , तिब्रगतिमा सवारी हाक्ने, जथाभावि सर्वाजनिक सवारी रोक्ने र यात्रु चढाउने लगायतलाई कारवाहि गर्न सजिलो हुने हुने भनाई छ ।

यसले सडकमा खटेका ट्राफिक प्रहरीको कामकारवाहिलाई पनि निगरानी गर्न सजिलो हुने बताइएको छ । हाछेथुले भने–यसले ट्राफिक जाम हुनुको कारण समेत पत्ता लगाउने छ । भ्वाइस पनि रेकर्ड हुने भएकाले कसले के बोल्यो भनेर पनि थाहा हुन्छ । यो ड्याम बोर्ड क्यामेरामा जिपिएस भएकाले कुन ठाँउमा कुन समयमा कसले के ग¥यो समय सहित रेकर्ड हुने छ ।’

लक्ष्मी हुण्डाईले ५० वटा ड्याम बोर्ड क्यामेरा महानगरीय ट्राफिक प्रहरीलाई सहयोग गरेको हो ।