प्रकाशित मिति : शनिबार, अशोज २२, २०७३
काठमाडौं । अख्ति यार दुरुपयोग अनुसन्धान आयोगका प्रमुख आयुक्त लोकमानसिंह कार्कीले थप १० दिन बिदामा बस्न निवेदन दिएका छन् ।
राष्ट्रपति विद्यादेवी भण्डारीसामु उनले घर बिदा ७ र भैपरी बिदा ३ दिनका लागि निवेदन दिएका हुन् । यसअघि असोज ३ गते उनी क्यानडा भ्रमणमा निस्किएका थिए । त्यहाँ औपचारिक कार्यक्रम २ दिन मात्र भए पनि उनी मुलुक फर्किएका छैनन् ।
उनीविरुद्धको मुद्दामा सर्वोच्च अदालतले शुक्रबारसमेत म्याद तामेल गर्न सकेको छैन । बिदा मागको निवेदनमा उनले विशेष काराण् केही नखुलाएको शीतलनिवास स्रोतले जानकारी दियो ।
क्यानडा भ्रमणको कार्यक्रम भने यसअघि नै मन्त्रिपरिषद् बैठकले स्वीकृत गरेको थियो । उक्त म्याद शुक्रबार सकिएकाले कार्कीले बिदाका लागि निवेदन दिएका हुन् ।
© copyright 2016-2019 and all right reserved to jaljalakhabar | Site By : sobij
