खोलाले बगाउँदा श्रीमातिको मृत्यु, श्रीमान्को भने उद्दार

उदयपुर  । खोलाले बगाएर उदयपुरको कटारी नगरपालिकामा एक महिलाको मृत्यु भएको छ ।

स्थानीय बेलसोत खोला तर्ने क्रममा बगाएर कटारी नगरपालिका वडा न. ३ की मैया मगरको मृत्यु भएको हो । आइतबार साँझ श्रीमान गायान बहादुर मगरसँगै खोला तर्दा बगाएर मृत्यु भएको इलाका प्रहरी कार्यालयका प्रहरी नायव उपरिक्षक चिरिन्जीवी कोईरालाले जानकारी दिए ।

साँझ खोलाले दुई जनालाई बगाएको भन्ने प्रहरीलाई सूचना प्राप्त हुनासाथ घटना स्थलमा प्रहरी परिचालन गरिएकोमा स्थानीयको सहयोगमा श्रीमानलाई उद्दार गर्न सफल भएको डिएसपी कोईरालाले बताए । मृतक महिलाको सव पोष्टमाष्टमको लागि कटारी अस्पताल लगिएको छ ।

त्यसैगरी ज्यान मार्ने उद्योगमा सजाय पाएका एक फरार अभियुक्त प्रहरीले आइतबार पक्राउ गरेको छ । पक्राउ पर्नेमा सिरिसे गाविस वडा नं. ६ बस्ने युवराज मगर रहेका हुन । फरार मगरलाई दशैमा घर आएको मौका छोपेर पक्राउ गरिएको इलाका प्रहरी कार्यालय कटारीले जनाएको छ । मगरलाई जिल्ला अदालत उदयपुरले ६ बर्ष कैद सजाय तोकेको थियो ।