मधेसी समूदायले पनि लगाउन थाले टिका–जमारा

बर्दिबास । पहाडी समूहदायले लगाउँदै आएको दसैँको टिका र जमरा मधेशी समुदायले पनि पछिल्लो समय लगाउन थालेको छ । नेपालीहरुले मान्दै आएको दसैँ पर्व मधेशमा पनि साझा पर्व बन्दै गइरहेको छ ।

महोत्तरीको बर्दिबास नगरपालिका २ का रामचन्द्र महतो र उनकी श्रीमति गीता देवीले दसैँको टिका र जमरा लगाएका छन् । यसपालि आफ्नै घरमा माता दुर्गाको प्रसाद सहित छोराछोरी र इष्टमित्रलाई टिका र जमरा लगाइएिर मिष्ठान भोजन खुवाएका छन् ।

समान्यतया मधेशमा पहाडे समुदायले दसैँको टिका र जमरा लगाएर नवराथा मन्ने प्रचलन छ । मधेशी समुदायले दसैँमा माता दुर्गाको पूजा गरेर मनाउने गरिन्छ । तर यसपालि रामचन्द्र र गीताले पूजा कोठामा गरेको घटस्थापना नौलो बनेको छ । उनले पहिला दुर्गा पूजा मात्र गर्थे तर यसपाली पूजा कोठामा उमारेको जमरा र टिका घरका सबैलाई परिवारका सदस्य र इष्ट मित्रलाई लगाइदिएर फरक ढंगले दसैँ मनाएका हुन् ।

आश्विन शुक्ल दशमीका दिनमा मनाइने विजयादशमी पर्व आज हर्षोल्लासका साथ मान्यजनबाट दुर्गा भवानीको प्रसादस्वरुप टीका, जमरा थापी मधेसमा पनि मनाइँदैछ । विजयादशमी आफैँमा शुभ दिन मानिन्छ ।