स्थानीयहरु यही दाबीका साथ विरोध स्वरुप बुधवार भालुवाङ बजार बन्द गराएका थिए । यसअघि राप्ती उद्योग वाणिज्य संघको आयोजनामा मंगलवार साँझ व्यापारीहरुले मोटरसाइकल -याली निकाली विरोध सभा गरेका थिए । सभालाई सम्बोधन गर्दै स्थानीय व्यापारीहरुले महोत्सव तत्काल नरोकिए कडा आन्दोलनमा उत्रने चेतावनी दिएका थिए । उनीहरुले चार्ड पर्वका बेला महोत्सव लगाएर आफनो व्यापार नै चौपट पार्न खोजेकाले प्रमुख जिल्ला अधिकारी दिपक काफलेको पुतला समेत दहन गरेका थिए ।सभालाई व्यापारीहरु होमप्रसाद शर्मा, भिमार्जुन सुवेदी, जगतप्रसाद पोख्रेल, गिरबहादुर जिसी, सुरज परियार र टोपबहादुर कार्की लगायतकाले सम्बोधन गरेका थिए । भने कार्यक्रमको सञ्चालन चन्द्रप्रकाश आचार्यले गरेका थिए ।