‘मितेरी गाँउ’का निर्देशक गगन बिरही अस्पताल भर्ना

काठमाडौँ  ।  चलचित्र निर्माता, निर्देशन गगन बिरही श्रेष्ठ अस्पताल भर्ना भएका छन् । उनको स्वास्थ्यमा अचानक समस्य देखिए पछि उनलाई बुधबार थापाथलीस्थित नर्भिक अस्पतालमा भर्ना गरिएको हो ।

लिभर समस्याबाट पिडित गगनको अवस्था चिन्ताजनक रहेको उनका सहपाठी निर्माता तथा बितरक सरोज शर्माले जानकारी दिए । लामो समयदेखि लिभर समस्याबाट पिडित गगन केही दिन पहिले मात्र दिल्लीमा उपचार गराएर काठमाडौ फर्किएका हुन् । दिल्लीमा रोग निराकरण नहुने देखेपछि परिवारले उनलाई स्वदेश ल्याएको शर्माको भनाई रहेको छ ।

बेहोस अवस्थामा अस्पताल पुर्याएको गगनको अहिलेसम्म होस खुल्न सकेको छैन । नर्भिक अस्पतालको छैटौ तल्लामा रहेको जिसियु वार्डमा उनको उपचार भइरहेको छ । उनलाई होसमा ल्याउन चिकित्सकहरुले भरमग्दुर प्रयास गरिरहेको बताइएको छ ।

जापानमा पुरै छायाँकनन गरिएको नेपाली चलचित्र ‘मितेरी गाँउ’ निर्देशन गरेका गगनले ‘छिमेकी’, ‘संकल्प’, ‘बादल’ ,‘झल्को’ जस्ता ब्यवसाहीक चलचित्र निर्माण गरेका छन् ।