सवारी परीक्षण केन्द्रः दुर्घटना बढ्दा मात्रै चर्चा

काठमाडौं  । मुलुकमा बढ्दो सवारी दुर्घटनामा पुराना सवारी साधनलाई दोष दिइए पनि यसको परीक्षणका लागि स्थापित भेहिकल फिटनेस टेस्ट सेन्टर भने चरम उपेक्षाको सिकार बनेको छ ।

दुर्घटना बढ्दा सबैको चासे हुने गरे पनि यसको सञ्चालनमा कसैको ध्यान गएको देखिँदैन । निर्माण सकिएको ६ वर्षसम्म पनि केन्द्र सञ्चालनमा आउन सकेको छैन् ।

सञ्चालनको जिम्मेवारी लिएको यातायात व्यवस्था विभागले सञ्चालन निर्देशिका बनाउन नसक्दा २०६८ मै निर्माण सकिएको केन्द्र सञ्चालनमा आउन नसकेको हो ।

मेसिन, विद्युतलगायत सबै संरचना तयारी हालतमा रहे पनि आवश्यक कर्मचारी, इलेक्ट्रो मेकानिकल प्रविधिको उपलव्धता नहुँदा समस्या आएको हो ।

विभागले २०७१ पुसमिा सवारी परीक्षण केन्द्र टेकुमा नै कार्यलय स्थापना गरि काम अघि बढाएको थियो ।तर, कार्यविधि अभाव, पयप्ति दक्ष कर्मचारी नहुँदा पूर्वाधार उपयोगमा आउन सकेको छैन ।