विलम्व नगरि महाअभियोग प्रस्ताव अगाडि बढाउँछु : सभामुख

काठमाडौं  । सभामुख ओनसरी घत्र्तीले अख्तियार दुरुपयोग अनुसन्धान अयोगका प्रमुख आयुक्त लोकमानसिंह कार्कीमाथि दर्ता भएको महाअभियोगको प्रस्ताव विलम्व नगरि अगाडि बढाउने बताएकी छिन् । कार्कीविरुद्ध दर्ता भएको प्रस्तावको पक्षमा मत निर्माणका लागि ध्यानाकर्षण पत्र बुझाउन गएका संयुक्त विद्यार्थी प्रतिनीधिमण्डलसँगको भेटमा सभामुख घत्र्तीले यस्तो बताएकी हुन् ।

‘सभामुखज्यूले विलम्व नगरि महाअभियोग प्रस्ताव अगाडि बढाउछु भन्नुभएको छ ।’ प्रतिनीधिमण्डलमा सहभागी अखिल क्रान्तिकारीका प्रवत्ता सुरेन्द्र बस्नेतले भने, ‘जनताको मतको जनताका प्रतिनीधिले कदर गर्छन भन्ने उहाँको भनाई थियो ।’

संसदले मंगलवार यो प्रस्तावमाथि छलफल गर्ने कार्यसूचि तय गरेको बेला सभामुखको यस्तो भनाई आएको हो । काँग्रेसले भने यो प्रस्तावको पक्ष–विपक्ष कहाँ उभिने भन्ने अझै निर्णय गरिसकेको छैन । एमाले र माओवादी भने महाअभियोगको पक्षमा उभिएका छन् ।

संयुक्त विद्यार्थी संगठनले यस अघि काँग्रेस सभापति शेरबहादुर देउवा र एमाले अध्यक्ष केपी ओलीलाई ज्ञापन पत्र बुझाएका छन् । त्यसबाहेक उनीहरुले सडकमा पनि खवरदारी प्रर्दशन गरिसकेका छन् ।