संविधान संशोधनले देश मुडभेडतिर : रावल

धनगढी । नेकपा एमालेका उपाध्यक्ष भीम रावलले संविधान संशोधन गरिए देश मुडभेडतिर जाने बताएका छन् । प्रेस चौतारी नेपाल कैलालीले आज गेटा विमानस्थलमा गरेको पत्रकार सम्मेलनमा बोल्दै उपाध्यक्ष रावलले सो कुरा बताएका हुन् ।

उनले संविधान संशोधनको कुरा उठाए लगत्तै देशका विभिन्न भागमा विरोध र आन्दोलन भइरहेको बताउँदै नेता रावलले काँग्रेस र माओवादीले देशलाई द्धन्द्धतिर धकेल्ने खोजिरहेको आरोप लगाए ।

काँग्रेस र माओवादीले संशोधनको प्रस्ताब दर्ता गरेर तराई, पहाड र हिमाल एक भएर बसिरहेको समाजलाई टुक्रयाउन खोजेको रावलले बताए ।
देशलाई अप्ठ्यारोमा पार्न नदिन एमाले संविधान संशोधनको विपक्षमा रहेर संसद र सडकबाट प्रतिरोधात्मक सघर्ष गर्ने उनले बताए ।
संबिधान संशोधनको प्रस्ताब दर्ता भएसँगै स्वयं मधेशवादीदलहरु पनि त्यसको बिरोधमा देखिएको उल्लेख गर्दै नेता रावलले यस्तो अवस्थामा संबिधान संशोधनको औचित्य नै समाप्त भइसकेको दाबी गरे ।

संविधान संशोधनको प्रस्ताब दर्तापछि नेकपा माओवादीका केन्द्रका अध्यक्ष तथा वर्तमान प्रधानमन्त्री पुष्पकमल दाहलले देश निर्बाचनको माहोलतिर गएको भन्ने अभिव्यक्ति दिनु गलत भएको उनको टिप्पणी थियो ।
यस्तो असन्तुष्टि देखिदादेखिदै पनि निर्बाचन कसरी हुन्छ उनले भने निर्वाचनका लागि त सबै दलहरुबीच सहमती हुन आवश्यक छ । निर्बाचनमा जान त सबै दलको आवश्यकता पर्छ । दुई दलले मात्र निर्वाचन गर्ने त होइन् उनले प्रश्न गरे ।