समावेशी विकासमा भारतभन्दा नेपाल अघि

काठमाडौँ । नेपालले छिमेकी मुलुक भारत र पाकिस्तानलाई समावेशी विकासको सूचाङ्कमा पछि छाडेको छ ।

वल्र्ड इकोनोमिक फोरमले सोमबार जारी गरेको समावेशी बृद्धि र विकास रिपोर्ट २०१७ मा समावेशी विकास सूचांकमा नेपालले छिमेकी मुलुकहरुलाई पछि पारेको हो ।

रिपोर्टमा विश्वका धेरै देशहरुमा आर्थिक विकास र असमानता अन्त्य गर्ने मुख्य अवसरहरु गायब रहेको बताएका बताइएको छ ।

समावेशी विकास सूचाङ्कलाई १२ वटा प्रदर्शन संकेतकहरुको आधारमा तय गरिएको थियो । यसमा बृद्धि, विकास, समावेशिता, समानता र स्थिरतालाई मुख्य आधार मानिएको थियो ।

यसमा नेपाल २७ औँ स्थानमा रहेकोमा बंगलादेश ३६ औँ स्थानमा बंगलादेश तथा पाकिस्तान ५२ औँ स्थानमा रहेका छन् । भारत भने ६० औँ स्थानमा सिमित रहेको छ ।

चीन १५ औँ स्थानमा रहेको छ ।

७९ विकासशील राष्ट्रमा लिथुआनिया शीर्ष स्थानमा रहेको छ भने अजर्बाइजान र हंगेरी दोस्रो र तेस्रो स्थानमा रहेका छन् ।

विकसीत राष्ट्रमा नर्वे शीर्ष स्थानमा रहेको छ भने लक्जम्बर्ग दोस्रो तथा स्वीटजरल्याण्ड, आइसल्याण्ड र डेनमार्क क्रमशः तेस्रो, चौथो र पाँचौ स्थानमा रहेका छन् ।