राष्ट्र रक्षाको प्रमुख आधार नेपाली सेनाः प्रधानसेनापति

चितवन । प्रधानसेनापति राजेन्द्र बहादुर क्षेत्रीले राष्ट्र रक्षाको प्रमुख आधार नेपाली सेना भएको बताएका छन् ।

देशको विशम परिस्थितिमा सेनाको आवश्यकता पर्ने भन्दै उनले सेनाको एकतामा कसैले पनि आँखा लगाउन नसक्ने बताए । उनले नेपाली सेना एकताको प्रतिविम्व भएको बताए ।

पतञ्जली योग समिति चितवनले नारायणगढको क्याम्पाचौरमा आयोजना गरेको निशुल्क विशाल योग शिविरमा वोल्दै प्रधानसेनापति क्षेत्रीले यस्तो बताएका हुन् ।

सेना शारीरिक र मानसिक रुपमा तन्दुरुस्त हुनु आवश्यक रहेको वताउँदै क्षेत्रीले योग सेनामा पनि लानु गर्न आवश्यक रहेको बताए ।

योगले र सेनाले अंगिकार गरेको भावना एउटै रहेको भन्दै उहाँले यसले रोगको निराकरण गर्दै स्वस्थ शरिर निर्माणमा सहयोग पुर्याउने बताए ।

पतन्जलि योग समिति चितवनले फागुन २१ गते देखि सुरु गरेको वृहत योग शिविरको बुधबार पाँचौ दिन हो । सात दिने सो शिविरमा जिल्लामा रहेका दश हजार भन्न्दा वढिले सहभागिता जनाई सकेको शिविरका प्रचार प्रसार समितका संयोजक टंकनाथ पौडेलले जानकारी दिए ।